Prabhas: టాలీవుడ్ స్టార్స్ ప్రభాస్ ను ఫాలో కావాల్సిందేనా?

టాలీవుడ్ స్టార్ హీరో ప్రభాస్ బాహుబలి సిరీస్ సినిమాలకు ఐదేళ్ల సమయం కేటాయించిన సంగతి తెలిసిందే. అయితే ప్రభాస్ ఐదు సంవత్సరాల కష్టానికి తగిన ఫలితం బాహుబలి సిరీస్ సినిమాలతో దక్కింది. అయితే బాహుబలి సిరీస్ తర్వాత ప్రభాస్ సినిమాల విషయంలో వేగం పెంచాలని భావించినా 2019 సంవత్సరంలో సాహో విడుదలైతే 2022 సంవత్సరంలో రాధేశ్యామ్ మూవీ విడుదలైంది. అయితే ప్రభాస్ మాత్రం ప్రస్తుతం ఒకే సమయంలో రెండు లేదా మూడు సినిమాలలో నటిస్తూ కెరీర్ ను చక్కగా ప్లాన్ చేసుకుంటున్నారు.

టాలీవుడ్ స్టార్ హీరోలు సైతం ఈ విషయంలో ప్రభాస్ ను ఫాలో అయితే బెటర్ అనే కామెంట్లు వ్యక్తమవుతున్నాయి. టాలీవుడ్ స్టార్ హీరోలు ఒకే సమయంలో ఒక సినిమాకు మాత్రమే పరిమితమైతే ఆ సినిమాకే రెండు నుంచి మూడేళ్ల సమయం కేటాయించాల్సి ఉంటుంది. ఏవైనా సమస్యలు వస్తే ప్రాజెక్ట్ లు మరింత ఆలస్యం అయ్యే అవకాశంతో పాటు సినిమా రిలీజ్ డేట్ మారే ఛాన్స్ ఉంటుంది. ఒకటి కంటే ఎక్కువ సినిమాలలో నటించడం వల్ల ఏడాదిలో కనీసం ఒకటి లేదా రెండు సినిమాలు విడుదలయ్యే అవకాశాలు అయితే ఉంటాయని చెప్పవచ్చు.

తారక్, బన్నీ, మహేష్, చరణ్ ప్రభాస్ ను ఫాలో అవుతారేమో చూడాల్సి ఉంది. పవన్ కూడా ఒకే సమయంలో రెండు సినిమాలలో నటించడానికి ఆసక్తి చూపిస్తుండటం గమనార్హం. ప్రభాస్ వచ్చే ఏడాది ఆదిపురుష్, సలార్ సినిమాలతో ప్రేక్షకుల ముందుకు రానున్నారు.

2024 సంవత్సరంలో ప్రభాస్ మారుతి కాంబో మూవీ, ప్రాజెక్ట్ కె రిలీజ్ కానున్నాయి. ఈ సినిమాలతో పాటు ప్రభాస్ స్పిరిట్ సినిమాలో నటిస్తున్నారు. యంగ్ జనరేషన్ స్టార్ హీరోలలో ఈ స్థాయిలో సినిమాలతో బిజీగా ఉన్న హీరో ప్రభాస్ మాత్రమే కావడం గమనార్హం. త్వరలో ప్రభాస్ కొత్త ప్రాజెక్ట్ లకు సంబంధించిన వివరాలు వెల్లడి కానున్నాయి.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!