మహేష్ దత్తత గ్రామంలో వేగంగా అభివృద్ధి పనులు

శ్రీమంతుడు సినిమాలో మహేష్ తాను తీసుకున్న గ్రామంలో అన్ని సౌకర్యాలు ఏర్పాటు చేస్తారు. అలాగే రియల్ లైఫ్ లోను తన దత్తత గ్రామాల రూపురేఖల్ని మారుస్తున్నారు. శ్రీమంతుడు చిత్రం తర్వాత మహేష్ బాబు రెండు గ్రామాలను దత్తత తీసుకున్న సంగతి తెలిసిందే. అందులో ఒకటి ఆంధ్రప్రదేశ్‌లోని తనతండ్రి కృష్ణ సొంత ఊరైన బుర్రెపాలెం, రెండోది తెలంగాణలోని మహబూబ్‌నగర్ జిల్లా, కొత్తూరు మండలంలోని సిద్ధాపురం గ్రామం. ముందుగా ఏపీలోని బుర్రెపాలెం గ్రామాన్ని అన్ని సౌకర్యాలతో అద్భుతంగా తీర్చిదిద్దారు. ప్రస్తుతం తెలంగాణలోని సిద్ధాపురంలో కూడా అనేక భివృద్ధి కార్యక్రమాలు చేపడుతున్నారు.

ముందుగా చిన్నారులు బాగా చదువుకోవడానికి అత్యాధునికమైన స్కూల్ భవనాన్ని నిర్మిస్తున్నారు. ఈ నిర్మాణ పనులు వేగంగా సాగుతున్నాయి. మహేష్ కొరటాల శివ దర్శకత్వంలో “భరత్ అనే నేను” సినిమా షూటింగ్ లో బిజీగా ఉన్నారు. అందుకే ఈ పనులను మహేష్ భార్య నమ్రత శిరోద్కర్ పర్వవేక్షిస్తున్నారు. ఈ భవన నిర్మాణానికి సంబందించిన ఫోటోలు ప్రస్తుతం సోషల్ మీడియాలో లైకులు అందుకుంటున్నాయి. మహేష్ నిజమైన హీరో అంటూ అభిమానులు కామెంట్స్ చేస్తున్నారు. ఈ భవనం పూర్తి కాగానే.. ఆ గ్రామానికి అవసరమైన అన్ని మౌలిక వసతులు కల్పించనున్నట్లు తెలిసింది.