ఇండియన్ సినిమా ఇండస్ట్రీ ఎంతో ఆసక్తిగా ఎదురుచూస్తోన్న లేటెస్ట్ పాన్ ఇండియా సినిమా ‘కేజీఎఫ్2’. కన్నడ స్టార్ హీరో యష్ ఇందులో హీరోగా నటిస్తున్నారు. ప్రశాంత్ నీల్ దర్శకత్వంలో హోంబలే ఫిలిమ్స్ బ్యానర్ పై ఈ సినిమాను తెరకెక్కిస్తున్నారు. డిసెంబర్ 21, 2018లో విడుదలైన ‘కేజీఎఫ్ చాఫ్టర్ 1’కు కొనసాగింపుగా ఈ సినిమాను రూపొందించారు. పార్ట్ 1 ఎంత సక్సెస్ అయిందో అందరికీ తెలిసిందే.
అందుకే ఇప్పుడు పార్ట్ 2పై అందరి దృష్టి పడింది. ఈ సినిమాపై భారీ అంచనాలు నెలకొన్నాయి. ఆ అంచనాలకు తగ్గట్లుగా మేకర్స్ కూడా ‘కేజీఎఫ్2’ సినిమాను భారీగా నిర్మించారు. సంజయ్ దత్, ర‌వీనాటాండ‌న్‌, రావు రమేష్, ప్రకాష్ రాజ్ వంటి పేరున్న నటీనటులు ఈ సినిమాలో కనిపించనున్నారు. నిజానికి ఈ సినిమా ఇప్పటికే విడుదల కావాల్సింది కానీ కోవిడ్ కారణంగా ఏప్రిల్ 14కి వాయిదా వేశారు.
రీసెంట్ గా విడుదలైన ఈ సినిమా ట్రైలర్ సోషల్ మీడియాలో రికార్డులు కొల్లగొట్టింది. ఇండియన్ సినిమాల్లోనే అత్యధిక వ్యూస్ సాధించిన ట్రైలర్ గా పేరు తెచ్చుకుంది. లేటెస్ట్ గా ‘కేజీఎఫ్ 2’ సినిమా సెన్సార్ కార్యక్రమాలను పూర్తి చేసుకొని యు/ఏ సర్టిఫికెట్ ను పొందింది. సినిమా నిడివి 2 గంటల 48 నిమిషాలుగా ఖరారైంది. దాదాపు మూడు గంటలుగా దగ్గరగా సినిమా ఉంటుందన్నమాట.
సినిమా ఎలా ఉండబోతుందోనని అందరిలో తెలియని ఎగ్జైట్మెంట్ నెలకొంది. ఈసారి యష్ తన పెర్ఫార్మన్స్ తో ఎన్ని వందల కోట్లను కలెక్ట్ చేస్తాడో చూడాలి. ఈ సినిమాను కన్నడ, తెలుగు, హిందీ, మ‌ల‌యాళ, త‌మిళ భాష‌ల్లో విడుదల చేస్తున్నారు. శ్రీనిధి శెట్టి హీరోయిన్‌గా న‌టిస్తోంది. ర‌వి బస్రూస్ సంగీతం అందిస్తోన్న ఈ చిత్రానికి భువ‌న్ గౌడ సినిమాటోగ్రాఫ‌ర్‌.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
