Hero Ram: యంగ్ హీరోకి విలన్ గా తమిళ స్టార్!

టాలీవుడ్ యంగ్ హీరో రామ్.. లింగుస్వామి దర్శకత్వంలో ఓ సినిమా చేస్తోన్న సంగతి తెలిసిందే. ఈ సినిమాను తెలుగు, తమిళ భాషల్లో ఒకేసారి తెరకెక్కిస్తున్నారు. రామ్ ఈ సినిమాతో కోలీవుడ్ లో ఎంట్రీ ఇస్తుండడంతో.. విలన్ గా తమిళ స్టార్ ను తీసుకోవాలని నిర్ణయించుకున్నారు. ఈ క్రమంలో చాలా మంది నటుల పేర్లు పరిశీలించారు. చివరిగా హీరో ఆర్యను విలన్ గా తీసుకోవాలని నిర్ణయించుకున్నారట. కోలీవుడ్ లో హీరోగా మంచి గుర్తింపు సంపాదించుకున్నాడు ఆర్య.

ఆయన సినిమాలను తెలుగులో డబ్ చేసి రిలీజ్ చేస్తుంటారు. ఆ విధంగా తెలుగు ప్రేక్షకులకు కూడా దగ్గరయ్యాడు. గతంలో అల్లు అర్జున్ హీరోగా నటించిన ‘వరుడు’ సినిమాలో విలన్ గా కనిపించి ఆశ్చర్యపరిచాడు. అయితే ఈ మధ్యకాలంలో ఆయన తెలుగు సినిమాలేవీ చేయలేదు. ప్రస్తుతం కోలీవుడ్ లో విశాల్ నటిస్తోన్న ‘ఎనిమీ’ సినిమాలో విలన్ గా నటిస్తున్నాడు ఆర్య. ఇదే జోరులో రామ్ సినిమాలో విలన్ గా కనిపించబోతున్నాడని సమాచారం.

ఈ సినిమాలో రామ్ పాత్రకు ధీటుగా ఆర్య పాత్ర ఉంటుందట. ఆర్య సిక్స్ ప్యాక్ లుక్ లో కనిపించబోతున్నారని తెలుస్తోంది. త్వరలోనే దీనికి సంబంధించిన ప్రకటన వస్తుందని అంటున్నారు. ఈ సినిమాలో రామ్ కి జోడిగా కృతి శెట్టి కనిపించనుంది. దేవిశ్రీప్రసాద్ సంగీతం అందించనున్నారు.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్