‘ఎఫ్3’ డీల్ క్లోజ్!

సీనియర్ హీరో వెంకటేష్, వరుణ్ తేజ్ ప్రధాన పాత్రల్లో దర్శకుడు అనిల్ రావిపూడి రూపొందించిన ‘ఎఫ్ 2’ సినిమా పెద్ద హిట్ అయిన సంగతి తెలిసిందే. దీంతో ఇప్పుడు ఈ సినిమాకి సీక్వెల్ గా ‘ఎఫ్3’ సినిమాను తెరకెక్కిస్తున్నారు. ‘ఎఫ్2’లో నటించిన వారంతా ఈ సినిమాలో కనిపించనున్నారు. తాజాగా ఈ సినిమాకి సంబంధించిన రెండు కీలకమైన డీల్స్ ను క్లోజ్ చేసినట్లు తెలుస్తోంది. అవే డిజిటల్ రైట్స్, శాటిలైట్ రైట్స్. ‘ఎఫ్3’ సినిమాను మొదలుపెట్టినప్పుడే డిజిటల్ రైట్స్ డీల్ క్లోజ్ అయింది.

అమెజాన్ ప్రైమ్ వీడియోస్ సంస్థ ఔట్ రేట్ కి డీల్ సొంతం చేసుకుంది. ఇప్పుడు జీతెలుగు ఛానెల్ ఈ సినిమా శాటిలైట్ రైట్స్ ను దక్కించుకుంది. ‘ఎఫ్3’ సినిమా డిజిటల్ రైట్స్ రూ.12 కోట్ల రూపాయలకు, శాటిలైట్ రైట్స్ కూడా రూ.12 కోట్లకు అమ్ముడైనట్లు తెలుస్తోంది. దీంతో రిలీజ్ కి ముందే ఈ సినిమా రూ.24 కోట్ల రూపాయలను ఆర్జించినట్లు తెలుస్తోంది. దిల్ రాజు భారీ బడ్జెట్ తో నిర్మిస్తోన్న ఈ సినిమా ప్రస్తుతం షూటింగ్ దశలో ఉంది.

ఇటీవలే ఓ భారీ షెడ్యూల్ ని పూర్తి చేశారు. ఇందులో హీరో వెంకటేష్, వరుణ్ లతో పాటు నటుడు సునీల్ కూడా పాల్గొన్నాడు. ఫిబ్రవరిలో మరో కొత్త షెడ్యూల్ ని ప్లాన్ చేస్తున్నారు. ఈ ఏడాది ఆగస్టు 27న ప్రపంచవ్యాప్తంగా ఈ సినిమాను విడుదల చేయబోతున్నారు. తమన్నా, మెహ్రీన్ హీరోయిన్లుగా నటిస్తోన్న ఈ సినిమాకి దేవిశ్రీప్రసాద్ సంగీతం అందిస్తున్నారు.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!