‘అ.. ఆ’ టాకీ పార్ట్ పూర్తి!

త్రివిక్రమ్‌ శ్రీనివాస్‌ దర్శకత్వంలో నితిన్‌ హీరోగా, సమంత, అనుపమ పరమేశ్వరన్‌ హీరోయిన్లుగా నటిస్తున్న చిత్రం ‘అ..ఆ’. ‘అనసూయ రామలింగం వర్సెస్‌ ఆంద్‌ విహారి’ అనేది క్యాప్షన్‌. ఈ సినిమా మంగళవారం నాటికి టాకీ పార్ట్ పూర్తి చేసుకొందని సమంత తన ట్విట్టర్ ద్వారా వెల్లడించింది. ఇప్పటివరకు చేసిన అన్ని పాత్రల్లో కంటే ఈ సినిమాలో మంచి పాత్రలో నటించానని చెప్పుకొచ్చింది. కాగా ఈచిత్రం నితిన్‌ కెరీర్‌లోనే భారీ బడ్జెట్‌ చిత్రంగా రూపొందుతోంది. హారిక అండ్‌ హాసిని క్రియేషన్స్‌ పతాకంపై నిర్మాత ఎస్‌.రాధాకృష్ణ ఈచిత్రాన్ని నిర్మిస్తున్నాడు. ఏప్రిల్‌ మూడో వారంలో ఆడియోను, మే నెల 6వ తేదీన విడుదల చేయడానికి సన్నాహాలు జరుగుతున్నాయి.