Mahesh Babu: మహేష్ బాబు ఫ్యాన్స్ కి ఇది పెద్ద షాకే.. కానీ తప్పదు..!

టాలీవుడ్ సూపర్ స్టార్ మహేష్ బాబు ‘గుంటూరు కారం’ సినిమాతో ప్రేక్షకుల ముందుకు వచ్చాడు. మాటల మాంత్రికుడు త్రివిక్రమ్ దర్శకత్వంలో ‘అతడు’ ‘ఖలేజా’ వంటి క్రేజీ సినిమాల తర్వాత వచ్చిన మూవీ ఇది. అయితే దీనికి కూడా మిక్స్డ్ టాక్ వచ్చింది. కొంతమంది సినిమా పర్వాలేదు అంటూ కామెంట్లు చేశారు. కానీ ఇంకొంతమంది నెగిటివ్ రెస్పాన్స్ ఇస్తుండటం మనం సోషల్ మీడియాలో చూస్తూనే ఉన్నాం. అయినప్పటికీ అందరూ కామన్ గా చెప్పే పాజిటివ్ పాయింట్ ఒక్కటే..!

మహేష్ బాబు (Mahesh Babu) ఈ సినిమాలో అదిరిపోయే పెర్ఫార్మన్స్ ఇచ్చాడు అని..! మహేష్ కోసం కచ్చితంగా ఈ సినిమాని ఒకసారి చూడొచ్చు అని..! అయితే మహేష్ బాబు ‘గుంటూరు కారం’ బాక్సాఫీస్ బాధ్యతని తన భుజాల పై మోయగలడా లేదా అనేది తెలియాల్సి ఉంది.ఇదిలా ఉండగా.. మహేష్ బాబు తన తర్వాతి సినిమాని రాజమౌళి దర్శకత్వంలో చేయబోతున్నాడు.

స్క్రిప్ట్ వర్క్ చాలా వరకు కంప్లీట్ అయ్యింది. ఆగస్టు లేదా అక్టోబర్లో ఈ ప్రాజెక్టు ప్రారంభం కానుందని వినికిడి. ఈ ప్రాజెక్టు గురించి త్వరలోనే ఓ ప్రెస్ మీట్ పెట్టి అన్ని విషయాలు తెలుపాలని రాజమౌళి భావిస్తున్నాడు. 2025 నుండి ఈ ప్రాజెక్టు యొక్క రెగ్యులర్ షూటింగ్ మొదలుకానుంది.

దాదాపు 2 సంవత్సరాల పాటు షూటింగ్ జరిగే అవకాశాలు ఉన్నాయి. ఆ రకంగా చూసుకుంటే 2027 లో ఈ సినిమా రిలీజ్ అయ్యే అవకాశాలు ఉంటాయి. సో దాదాపు 3 ఏళ్ళు మహేష్ బాబుని అభిమానులు మిస్ అవ్వనున్నారన్న మాట. ఈలోపు వేరే ప్రాజెక్టు చేయాలన్నా.. మేకోవర్ కోసం కొన్నాళ్ళు మహేష్ గ్యాప్ తీసుకోక తప్పదట.

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!