పవన్‌ కల్యాణ్‌ నార్మల్‌ సీన్స్‌లో ఎంత కూల్‌గా ఉంటాడో, యాక్షన్ సీన్స్‌ వస్తే అంత వైలెంట్‌గా మారిపోతాడు. సగటు టాలీవుడ్‌ హీరోకు, పవన్‌కు ఈ విషయంలో చాలా డిఫరెన్స్‌ ఉంటుంది అని చెబుతారు. మొన్నీమధ్య వచ్చిన ‘ఓజీ’ టీజర్‌లో ఆ సంగతి మరోసారి నిరూపించారు. పవన్‌ చేతికి ఒక కత్తి ఇస్తేనే అంత ఊచకోత కోస్తే… మరి పదుల సంఖ్యలో కత్తులు రెడీ చేసి పెట్టారు హరీశ్‌ శంకర్‌. ఈ మేరకు ట్విటర్‌లో చేసిన ఓ పోస్ట్‌ ఇప్పుడు సోషల్‌ మీడియాలో వైరల్‌గా మారింది.
పవన్‌ కల్యాణ్‌ – హరీశ్‌ శంకర్‌ కాఒబినేషన్లో రూపొందుతున్న చిత్రం (Ustaad Bhagat Singh) ‘ఉస్తాద్ భగత్ సింగ్’. పవన్‌ బ్లాక్‌బస్టర్‌ కెరీర్లో బ్లాక్‌ బస్టర్‌ అయిన ‘గబ్బర్ సింగ్’ సినిమా కాంబోలో ఈ సినిమా వస్తుండటంతో పెద్ద ఎత్తున అంచనాలు ఉన్నాయి. దీనికి తగ్గట్టుగానే ఇప్పటివరకు వచ్చిన లుక్స్‌, వీడియోలకు స్పందన వస్తోంది. అయితే ఈ సినిమా షూటింగ్ మాత్రం కొన్ని రోజులుగా జరగడం లేదు. అయితే అభిమానులకు గుడ్‌ న్యూస్‌ను సినిమా టీమ్‌ చెప్పేసింది.
సెప్టెంబరు 5 నుండి సినిమా కీలక షెడ్యూల్‌ను స్టార్ట్‌ చేస్తున్నామని ట్విటర్‌లో పేర్కొంది. ఈ మేరకు ఓ ఫొటోను కూడా షేర్‌ చేసింది. అందులో యాక్షన్ సీన్స్‌ కోసం సిద్ధం చేసిన కత్తులు కనిపిస్తున్నాయి. వాటిని దర్శకుడు హరీశ్‌ శంకర్‌ పరిశీలిస్తున్నారు. ‘‘భారీ యాక్షన్ షెడ్యూల్ కోసం అంతా సిద్ధం. ‘ఉస్తాద్ భగత్ సింగ్’ షూటింగ్ సెప్టెంబరు 5 నుండి పునర్‌ ప్రారంభం’’ అని ట్వీట్‌లో పేర్కొన్నారు. ఆ పోస్ట్‌ను రీపోస్ట్‌ చేస్తూ… ‘మనల్ని ఎవడ్రా ఆపేది’ అని హరీశ్‌ శంకర్‌ రాసుకొచ్చారు.
స్టంట్ డైరెక్టర్ ద్వయం రామ్ – లక్ష్మణ్ ఈ యాక్షన్ సీక్వెన్స్‌ను రూపొందిచనట్లు సమాచారం. పాత బస్తీ నేపథ్యంలో ఈ సన్నివేశాల చిత్రీకరణ ఉంటుందని సమాచారం. ఒక కత్తి ఇస్తేనే ‘ఓజీ’ టీజర్‌లో అంతలా అలరించిన పవన్‌… ఇప్పుడు ఇన్ని కత్తులతో ఇంకెంత ఊచకోత కోస్తాడో చూడాలి.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
