‘లైగర్’ తో డీలా పడిన విజయ్ దేవరకొండ గత ఏడాది వచ్చిన ‘ఖుషి’ తో ఓ యావరేజ్ ఫలితాన్ని అందుకున్నాడు. ఇప్పుడు దిల్ రాజు బ్యానర్లో ‘ఫ్యామిలీ స్టార్’ అనే సినిమా చేస్తున్నాడు. మృణాల్ ఠాకూర్ హీరోయిన్ గా నటిస్తున్న ఈ మూవీకి పరశురామ్(బుజ్జి) దర్శకుడు. గతంలో విజయ్ దేవరకొండతో అతను ‘గీత గోవిందం’ అనే ఫ్యామిలీ సినిమా తీశాడు. అది రూ.120 కోట్ల(గ్రాస్) వరకు కలెక్ట్ చేసింది. అందుకే ‘ఫ్యామిలీ స్టార్’ పై అందరికీ చాలా అంచనాలు ఉన్నాయి.
ఇప్పటికే ‘గ్లింప్స్’ రిలీజ్ అయ్యింది. దానికి మంచి రెస్పాన్స్ వచ్చింది. ‘ఐరనే వంచాలా ఏంటి?’ అనే డైలాగ్ సినిమాకి బోలెడంత బజ్ ను తీసుకొచ్చింది అని చెప్పాలి. ఇదిలా ఉండగా.. ‘ఫ్యామిలీ స్టార్’ సినిమా గురించి ఇప్పుడు ఓ ఆసక్తికర వార్త ఫిలింనగర్లో చక్కర్లు కొడుతోంది. అదేంటి అంటే.. ‘ఫ్యామిలీ స్టార్’ సినిమా కథ.. మెగాస్టార్ ఆల్ టైం సూపర్ హిట్ మూవీ ‘గ్యాంగ్ లీడర్’ కి సిమిలర్ గా ఉంటుందట. ‘గ్యాంగ్ లీడర్’.. ముగ్గురు అన్నదమ్ముల కథ.
‘ఫ్యామిలీ స్టార్’ (Family Star) కూడా అంతేనట..!అందులో విజయ్ శాంతి.. చిరంజీవి ఇంట్లో రెంట్ కి వచ్చినట్టు, ‘ఫ్యామిలీ స్టార్’ లో మృణాల్ ఠాకూర్ .. విజయ్ దేవరకొండ ఇంట్లోకి రెంట్ కి దిగుతుందట.కాకపోతే ఇందులో రివెంజ్ కూడా ఆమెదే అని, చివర్లో విజయ్ .. ఆమెకు అండగా నిలబడతాడు అని తెలుస్తుంది. ఈ కథ నిజమో కాదో తెలియాలంటే.. ఏప్రిల్ 5 వరకు వేచి చూడాల్సిందే.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్కట్ బాలరాజు సినిమా రివ్యూ & రేటింగ్!
