దివంగత స్టార్ హీరో ఉదయ్ కిరణ్ ఒకప్పుడు టాలీవుడ్ ను ఓ ఊపు ఊపేసిన హీరో. ‘చిత్రం’ , ‘నువ్వు నేను’, ‘మనసంతా నువ్వే’ చిత్రాలతో ఒక్కసారిగా స్టార్ హీరో అయిపోయాడు ఉదయ్ కిరణ్. యూత్ లో అతనికి సూపర్ క్రేజ్ ఏర్పడింది. అయితే ఎంత ఫాస్ట్ గా స్టార్ అయ్యాడో, అంతే ఫాస్ట్ గా కింద పడిపోయాడతను. దానికి అనేక కారణాలు ఉన్నాయి అనుకోండి.! అయితే ఉదయ్ కిరణ్ స్టార్ అయినప్పుడు అప్పటి స్టార్ హీరోలకు చమటలు పట్టించాడు.
ఉదయ్ కిరణ్ సినిమా రిలీజ్ అవుతుంది అంటే పోటీగా చిరంజీవి, వెంకటేష్, బాలకృష్ణ , నాగార్జున.. తమ సినిమాలను రిలీజ్ చేయడానికి భయపడే పరిస్థితి ఏర్పడింది. ఒకసారి చిరంజీవి, వెంకటేష్ సినిమాల కోసం ఉదయ్ కిరణ్ సినిమా విడుదల పోస్ట్ పోన్ చేసుకోమని రిక్వెస్ట్ చేసిన సందర్భాలు కూడా ఉన్నాయట. వివరాల్లోకి వెళితే… అది 2001, ఉదయ్ కిరణ్ ‘నువ్వు నేను’ చిత్రంతో స్టార్ అయ్యి కూర్చున్నాడు. మరోపక్క చిరంజీవి ‘మృగరాజు’, ‘శ్రీ మంజునాథ’ చిత్రాలతో ఫ్లాప్ లు మూటగట్టుకున్నాడు. నిజానికి ‘శ్రీ మంజునాథ’ కి మంచి టాక్ వచ్చింది.
కానీ చిరంజీవి నటించాడు కదా అని ఎక్కువ రేట్లకు సినిమా హక్కుల్ని అమ్మారు. ఫలితంగా సినిమా కమర్షియల్ గా ఫ్లాప్ అయ్యింది. మరోపక్క వెంకీ పరిస్థితి కూడా ఇంచు మించు ఇంతే. ‘దేవి పుత్రుడు’, ‘ప్రేమతో రా’ వంటి సినిమాలు ఫ్లాప్ లు అయ్యాయి. ఈ క్రమంలో ఉదయ్ కిరణ్ నటించిన ‘మనసంతా నువ్వే’ చిత్రాన్ని మొదట సెప్టెంబర్ 2వ వారంలో విడుదల చేయాలని అనుకున్నారట. కానీ ‘నువ్వు నాకు నచ్చావ్’ చిత్రం సెప్టెంబర్ 6న రిలీజ్ అవుతుందని..
‘మనసంతా నువ్వే’ విడుదలని రెండు వారాలు వెనక్కి జరపమని ఆ సినిమా డిస్ట్రిబ్యూటర్ సురేష్ బాబు.. ‘మనసంతా నువ్వే’ నిర్మాత యం.యస్.రాజు ని కోరారట. వెంకటేష్ తో ఆయన ‘శత్రువు’ ‘దేవీ పుత్రుడు’ వంటి సినిమాలు చేశారు కాబట్టి ఓకె చెప్పి సెప్టెంబర్ 20 న లేదా 27 రిలీజ్ చేసుకోవాడానికి రెడీ అయ్యారట. కానీ అక్టోబర్ 4న చిరంజీవి ‘డాడి’ సినిమా విడుదల చేయడానికి ఫిక్స్ అయ్యారు నిర్మాత అల్లు అరవింద్. ఉదయ్ కిరణ్ సినిమా రిలీజ్ అయ్యి బ్లాక్ బస్టర్ అయితే చిరు సినిమా నిలబడుతుంది అన్న గ్యారెంటీ లేదని భావించి ‘మనసంతా నువ్వే’ చిత్రాన్ని ‘డాడీ’ రిలీజ్ అయిన రెండు వారాల తర్వాత
విడుదల చేయమని అల్లు అరవింద్ కూడా యం.యస్.రాజుని రిక్వెస్ట్ చేశారు. అలా ఫైనల్ గా అక్టోబర్ 19న ‘మనసంతా నువ్వే’ చిత్రాన్ని విడుదల చేయడం జరిగింది. ఇక ఈ సినిమాల రిజల్ట్స్ కూడా అందరికీ తెలిసిందే. ‘నువ్వు నాకు నచ్చావ్’ చిత్రం బ్లాక్ బస్టర్ అయ్యింది. కానీ ‘కలిసుందాం రా’ లా ఇండస్ట్రీ హిట్ కాలేదు. కానీ ఇది ఒక ఎపిక్ బ్లాక్ బస్టర్. ఇక ‘డాడి’ చిత్రం యావరేజ్ ఫలితాన్ని అందుకుంది. ‘మనసంతా నువ్వే’ పెద్ద బ్లాక్ బస్టర్ అయ్యింది. ‘నువ్వు నాకు నచ్చావ్’ సినిమా కంటే కూడా ‘మనసంతా నువ్వే’ ఎక్కువ కలెక్ట్ చేసింది అనే విషయం చాలా మందికి తెలిసుండదు.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
