సావిత్రి విషయంలో తుది నిర్ణయం ప్రేక్షకులదే!

మహానటి సావిత్రి జీవిత కథను సినిమాగా తెరకెక్కించాలని ప్లాన్ చేస్తున్నాడు దర్శకుడు నాగఅశ్విన్. ‘ఎవడే సుబ్రమణ్యం’ సినిమాతో ప్రేక్షకులకు పరిచయమయిన ఈ దర్శకుడు మొదటి చిత్రంతోనే మంచి పేరు సంపాదించుకున్నాడు.

ఈ నేపధ్యంలో తన రెండో సినిమా కూడా వైవిధ్యంగా ఉండాలని సావిత్రి కథను ఎన్నుకున్నాడు. అయితే నాగఅశ్విన్ ఈ సినిమా చేస్తున్నాడని తెలియగానే అనుష్క అయితే సావిత్రి పాత్రకు పెర్ఫెక్ట్ అని అందరూ భావించారు. కానీ డైరెక్టర్ మాత్రం ఏ సినిమా కోసం ఎవరిని ఫైనల్ చేయకుండా.. ప్రేక్షకుల అభిప్రాయాన్ని తీసుకోవాలని భావిస్తున్నాడు. దీనికోసం నెట్ లో కాంటెస్ట్ ను నిర్వహిస్తున్నారు.

నెటిజన్స్ ఇచ్చిన వోటింగ్ ప్రకారం హీరోయిన్ ను ఎంపిక చేయనున్నారు. అంటే సావిత్రి విషయంలో ప్రేక్షకులదే పైచేయి అన్నమాట.