Malaika Arora: 20 ఏళ్లుగా అదే పని.. సీక్రెట్ బయటపెట్టిన మలైకా!

బాలీవుడ్ బ్యూటీ మలైకా అరోరా (Malaika Arora) గురించి ప్రత్యేక పరిచయం అవసరం లేదు. మహేష్ బాబు (Mahesh Babu) ‘అతిథి’ (Athidhi), పవన్ కళ్యాణ్ (Pawan Kalyan) ‘గబ్బర్ సింగ్’ (Gabbar Singh) సినిమాల్లో ఐటెం సాంగ్స్ తో తెలుగులో పాపులర్ అయ్యింది. 51 ఏళ్ళ వయసు వచ్చినా ఈమె 30 ఏళ్ళ వయసున్న ఆమెలానే కనిపిస్తుంది. సాధారణంగా హీరోయిన్లు, హీరోలు అందం కాపాడుకోవడం కోసం సర్జరీ వంటివి చేయించుకుంటారు. లేదు అంటే ఇంజెక్షన్స్ చేయించుకుంటారు. మలైకా కూడా అలానే అందం మెయింటైన్ చేస్తుందేమో అని అంతా అనుకుంటారు.

Malaika Arora

ఎందుకంటే.. ఆమె మంచి ఫుడీ.బిర్యానీ వంటివి గట్టిగా తింటుంది. బిర్యానీ అనే కాదు ఫుడ్ విషయంలో ఎటువంటి నియమాలు పెట్టుకోదు. కుక్ చేసుకుని మరీ తింటున్న వీడియోలు కూడా ఈమె షేర్ చేస్తూ ఉంటుంది. అందుకే కొంతమంది ఈమెను సర్జరీ బ్యూటీ అంటుంటారు. అలాంటి వారి గురించి ఈమె పరోక్షంగా స్పందించింది. ఇటీవల ఓ సందర్భంలో ఆమె ఈ విషయం పై స్పందిస్తూ…“నేను రోజూ 2 గంటల పాటు ఎక్సర్సైజ్ చేస్తాను.

నేను జిమ్ మిస్ చేసిన రోజు అంటూ ఉండదు. యోగా కూడా చేస్తాను.20 ఏళ్లుగా నా డైలీ రొటీన్ ఇదే. అందుకే ఫిట్నెస్ మెయింటైన్ చేయగలుగుతున్నాను. ఫుడ్ విషయంలో కూడా నేను క్వాలిటీ ఉండేలా చూసుకుంటాను. ఇంతకంటే సీక్రెట్ ఏమీ లేదు. సర్జరీల జోలికి కూడా పోలేదు” అంటూ క్లారిటీ ఇచ్చేసింది మలైకా. ప్రస్తుతం ఆమె స్మాల్ స్క్రీన్ పై పలు షోలలో సందడి చేస్తున్న సంగతి తెలిసిందే.