Pooja Hegde: పూజాహెగ్డే కోరుకుంటున్న అవకాశాలు వస్తాయా..?

April 2, 2022 / 03:56 PM ISTByFilmy Focus

Join Us

Pooja Hegde: పూజాహెగ్డే కోరుకుంటున్న అవకాశాలు వస్తాయా..?

చాలా మంది హీరోయిన్లకు డ్రీమ్స్ రోల్స్ అనేవి ఉంటాయి. రెగ్యులర్ కమర్షియల్ సినిమాల మాదిరి కాకుండా డిఫరెంట్ సినిమాల్లో నటించాలని కోరుకుంటూ ఉంటారు. ఒక్కొక్కరికీ ఒక్కో డ్రీమ్ ప్రాజెక్ట్ ఉంటుంది. టాలీవుడ్ స్టార్ హీరోయిన్ పూజాహెగ్డేకి కూడా అలాంటి కోరిక ఉందట.ఎన్నేళ్లు గడిచినా.. ఆ కోరికలో ఎలాంటి మార్పు ఉండదని చెబుతోంది. ఆమె మనసులో ఉన్న కోరిక ఏంటంటే..? మహిళల కోసం ఎక్కువ సినిమాలు చేయాలనుందని చెప్పుకొచ్చింది పూజాహెగ్డే.

Click Here To Watch NOW

ఎందుకంటే.. అమ్మాయిలకు కావాల్సినంత కంటెంట్ లేదని తన అభిప్రాయమని చెప్పింది. మహిళా లోకానికి ఇప్పటివరకు తను ప్రాతినిధ్యం వహించలేదనిపిస్తోందని.. తెరపై ఏదైనా చూసినప్పుడు మనం కూడా అలా మారిపోవాలని కోరుకుంటామని చెప్పింది. అదే స్థానంలో ఓ బలమైన మహిళా ఉంటే అది మరింత స్ఫూర్తిదాయకంగా ఉంటుందని.. అందుకే అమ్మాయిలను ఉత్తేజపరిచే సినిమాలను చేయాలనుందని చెప్పుకొచ్చింది. ఇలా మహిళలను, ముఖ్యంగా యంగ్ అమ్మాయిల కోసం సినిమాలు చేయాలనే కోరికను బయటపెట్టింది పూజాహెగ్డే. తనకు ఇంకా చాలా కెరీర్ ఉందని..

కాబట్టి ఫ్యూచర్ లో కచ్చితంగా అమ్మాయిలకు స్ఫూర్తినిచ్చే సినిమాలు చేస్తానని ప్రకటించింది. దీన్ని బట్టి పూజాకి లేడీ ఓరియెంట్ కథల్లో నటించాలనుందనే విషయం స్పష్టంగా తెలుస్తోంది. ఇప్పటికైతే సినిమా ఇండస్ట్రీ ఆమెని గ్లామర్ డాల్ గానే చూస్తుంది. మరి ఆమె కోరుకుంటున్నట్లు ఎవరైనా దర్శకులు కథలు రాస్తారేమో చూడాలి. ప్రస్తుతం ఈ బ్యూటీ తెలుగు, తమిళ, హిందీ భాషల్లో బిజీగా గడుపుతోంది. త్వరలోనే ఈ బ్యూటీ నటించిన ‘బీస్ట్’ సినిమా ప్రేక్షకుల ముందుకు రానుంది.