చాలా ఆసక్తిగా ఉంది… మూడేళ్ళ తరువాత చేస్తున్నా : సాయి పల్లవి

మలయాళ చిత్రం ‘ప్రేమమ్’ ద్వారా మంచి క్రేజ్ సంపాదించుకుంది సాయి పల్లవి, కేవలం మలయాళం ప్రేక్షకుల్ని మాత్రమే కాదు ఈ చిత్రంలో తన నటన తో తెలుగు ప్రేక్షకుల్ని కూడా విపరీతంగా ఆకట్టుకుంది. ఈ అమ్మాయెవరో చాలా బాగా నటిస్తుందే ఒక్కసారి తెలుగులో కూడా నటిస్తే బాగుణ్ణు అని మన ప్రేక్షకులు అనుకున్నారు. ఇది డైరెక్టర్ శేఖర్ కమ్ములకి వినబడినట్టుంది.. వెంటనే ‘ఫిదా’ చిత్రంతో తెలుగులోకి తీసుకొచ్చాడు. ఈ చిత్రం బ్లాక్ బస్టర్ హిట్ గా నిలవడానికి సాయిపల్లవి నటనే ప్రధాన కారణం అనేంతలా… పేరుతెచ్చుకుంది. ఇక ఈమె టాలెంట్ ని తమిళ తంబీలు కూడా గుర్తించి అక్కడ స్టార్ హీరోల సరసన వరుస అవకాశాలిస్తున్నారు. దీంతో మూడేళ్ళ వరకూ తన సొంత ఇండస్ట్రీ అయిన మలయాళంలో సినిమా చేసే అవకాశం దక్కలేదు సాయిపల్లవికి. మలయాళంలో దుల్కర్ సల్మాన్ నటించిన ‘కలి’ చిత్రం తరువాత మరో చిత్రం చేయలేదు సాయి పల్లవి.

• వేర్ ఈజ్ ది వెంకటలక్ష్మి సినిమా రివ్యూ  ఇక్కడ క్లిక్ చెయ్యండి 
• జెస్సీ  సినిమా రివ్యూ  కోసం ఇక్కడ క్లిక్ చెయ్యండి
• చిత్రలహరి  టీజర్  రివ్యూ కోసం ఇక్కడ క్లిక్ చెయ్యండి
• ఎట్టకేలకు ‘ఆర్.ఆర్.ఆర్’ పై క్లారిటీ ఇచ్చిన జక్కన్న..!

ఇక మూడేళ్ళ తర్వాత మలయాళంలో సినిమా చేస్తున్నట్టు సాయిపల్లవి తన ట్విట్టర్ ద్వారా తెలిపింది. ‘అతిరన్’ అనే మలయాళం చిత్రంలో ఆమె నటిస్తుంది. ఫర్హాద్ ఫాసిల్ హీరోగా నటిస్తున్న ఈ చిత్రాన్ని వివేక్ డైరెక్ట్ చేస్తున్నాడు. ఇప్పటికే ఈ చిత్రానికి సంబందించిన కీలక భాగాన్ని పూర్తిచేశారు. ఓ సైకియాట్రిస్ట్, హాస్పిటల్, నేపధ్యంలో సాగే కథాంశంతో ఈ చిత్రం రూపొందుతుంది. ఈ విషయాన్ని తన ట్విట్టర్లో తెలియజేస్తూ ఓ పోస్టర్ ని కూడా షేర్ చేసింది సాయిపల్లవి. ఇక తమిళ్ లో కూడా సూర్య హీరోగా వస్తున్న ‘ఎన్.జి.కె’ చిత్రంలో హీరోయిన్ గా నటిస్తుంది సాయి పల్లవి. త్వరలోనే ఈ చిత్రం విడుదల కానుంది.