స్లిమ్ బ్యూటీ శ్రీయా శరణ్ టాలీవుడ్ లో ఇంకా క్రేజీ ప్రాజెక్ట్స్ దక్కించుకుంటూ ముందుకు వెళుతుంది. ఆమె ఆర్ ఆర్ ఆర్ లాంటి ప్రతిష్టాత్మక ప్రాజెక్ట్ లో నటిస్తున్నట్లు కన్ఫర్మ్ చేసింది. తాజాగా ఆమె సోషల్ మీడియాలో ఫ్యాన్స్ కి అందుబాటులోకి వచ్చారు. పనిలో పనిగా తాను చేస్తున్న ఫ్యూచర్ ప్రాజెక్ట్స్ గురించి వివరించారు. వాటిలో రాజమౌళి తెరకెక్కిస్తున్న ఆర్ ఆర్ ఆర్ కూడా ఒకటని చెప్పడం గమనార్హం. ఇక ఆర్ ఆర్ ఆర్ లో ఆమె హీరో అజయ్ దేవ్ గణ్ కి జంటగా నటిస్తుందట.
సినిమాలో వచ్చే ఫ్లాష్ బ్యాక్ ఎపిసోడ్స్ లో అజయ్ దేవ్ గణ్ భార్యగా ఈమె కనిపించే అవకాశం ఉంది. ఇక అజయ్ దేవ్ గణ్ కి శ్రీయా లాంటి హీరోయిన్ ని పెట్టారంటే ఆయన పాత్రకు చాలా ప్రాధాన్యం ఉండి ఉండాలి. అజయ్ దేవ్ గణ్ ఎన్టీఆర్, చరణ్ లకు గురువుగా కనిపించే అవకాశం ఎక్కువగా ఉంది. ఇక గతంలో శ్రీయ రాజమౌళి తెరకెక్కించిన ఛత్రపతి సినిమాలో హీరోయిన్ గా నటించింది. ప్రభాస్ హీరోగా వచ్చిన ఆ చిత్రం బ్లాక్ బస్టర్ హిట్ గా నిలిచింది.
2005లో ఆ చిత్రం విడుదల కాగా దాదాపు 15ఏళ్ల తరువాత శ్రీయా మరలా రాజమౌళి దర్శకత్వంలో పనిచేస్తుంది. ఇక ఆర్ ఆర్ ఆర్ షూటింగ్ త్వరలో మొదలుకానుంది. నెక్స్ట్ షెడ్యూల్ కోసం రాజమౌళి హైదరాబాద్ లో 20కోట్లకు పైగా బడ్జెట్ తో ఓ భారీ సెట్ వేయిస్తున్నారు. ఆ సెట్ లోనే చరణ్ మరియు ఎన్టీఆర్ పై కొన్ని కీలక సన్నివేశాల చిత్రీకరణ జరగనుంది.
Most Recommended Video
మేకప్ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్మగల్ వందాల్’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
