ప్రశాంత్‌ నీల్‌ సినిమాలను బొగ్గు సినిమాలు అంటుంటారు. ఎందుకంటే ఆ సినిమాల నేపథ్య రంగు, సినిమాలో తారల మేకప్‌, దుస్తులు… ఇలా అన్నీ బొగ్గు రంగుకు దగ్గర్లో ఉంటాయి. అందుకే అభిమానులు, నెటిజన్లు సోషల్‌ మీడియాలో అలా కామెంట్‌ చేస్తుంటారు. అయితే ‘సలార్’ సినిమాలో ఓ సందర్భంలో ఓ నటి దుస్తులు ప్రశాంత్‌ నీల్‌ కలర్‌ కాంబినేషన్‌కు చాలా దూరంగా ఉంటాయి. అలా ఎందుకు అనే డౌట్‌ మీకు కూడా వచ్చి ఉంటే… ఈ వార్తే సమాధానం.
‘సలార్’ సినిమాలో రాధా రమ మన్నార్‌ అనే పాత్రలో నటించి మెప్పించింది శ్రియా రెడ్డి. ఈ సినిమా కోసం ఆమె చాలా కష్టపడ్డారు. రాధారమ పాత్ర కోసం తాను చాలా బరువైన చెవిపోగులు ఎక్కువసేపు పెట్టుకోవడం వల్ల చెవులు తెగాయని చెప్పారు. అంఉదకే సినిమా షూటింగ్‌ అయిపోయిన వెంటనే సర్జరీ చేయించుకున్నాను అని కూడా చెప్పారు. అయితే ఈ సినిమా షూటింగ్‌లో భాగంగా ఓ చీరం కోసం దర్శకుడితో పెద్ద చర్చే పెట్టాను అని కూడా ఆమె చెప్పారు.
ప్రశాంత్‌ నీల్‌ సినిమాల్లో కాస్ట్యూమ్స్‌ డార్క్ కలర్స్‌ కాంబినేషన్స్‌లోనే ఉంటాయి. ‘సలార్’ సినిమాలోనూ బ్లాక్, గ్రే, ఆలీవ్‌ గ్రీన్‌ రంగులనే ఎక్కువగా వాడారు. సినిమా నటులు మ్యాగ్జిమమ్‌ ఆ రంగు దుస్తుల్లోనే కనిపించారు. అయితే ఓ సన్నివేశంలో పసుపు రంగు చీర ధరిస్తే బాగుంటుందని శ్రియా రెడ్డికి అనిపించింది. ఇదే విషయాన్ని ప్రశాంత్‌కు చెప్పారట. కానీ ఆయన అందుకు అంగీకరించలేదట. దీంతో ఆయనతో గొడవపడి మరీ, ఆ రంగు చీర ధరించాను అని శ్రియ చెప్పారు.
సినిమా గురించి ప్రశాంత్‌ నీల్‌.. (Sriya Reddy) శ్రియకు చెప్పినప్పుడు నటించడానికి అంగీకరించలేదట. అప్పటికే సినిమాలు చేయకూడదని ఆమె నిర్ణయించుకోవడమే కారణం. కానీ ఎలాగైనా తనను సినిమాలోకి తీసుకోవాలని ప్రశాంత్‌ పట్టుపట్టారట. అలా స్క్రిప్టు పూర్తిగా చదవమని చెప్పారట. అయితే కథ నచ్చడంతో నటించడానికి ఓకే చెప్పాను శ్రియా రెడ్డి తెలిపారు. డిసెంబరు 22న వచ్చిన ఈ సినిమాకు రెండో పార్టు కూడా ఉంది. ఆ సినిమా ఇంకా అదిరిపోతుందని ఆమె తెలిపారు.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
Home