పాన్ ఇండియా స్టార్ ప్రభాస్ నటిస్తున్న మొట్ట మొదటి మైతలజికల్ ఫిల్మ్ ఆదిపురుష్ ఎంతో ప్రతిష్టాత్మకంగా తెరకెక్కుతున్న విషయం తెలిసిందే. బాలీవుడ్ దర్శకుడు ఓం రావత్ దర్శకత్వంలో తెరకెక్కుతున్న ఈ సినిమాలో ప్రభాస్ రాముడి పాత్రలో నటిస్తుండగా కృతి సనోన్ సీత పాత్రలో నటిస్తోంది. ఇక రావణాసురుడి క్యారెక్టర్ లో బాలీవుడ్ హీరో సైఫ్ అలీ ఖాన్ నటిస్తున్న విషయం తెలిసిందే. క్యాస్టింగ్ తోనే అంచనాలను పెంచేసిన ఈ సినిమా 3D లో రూపొందుతోంది.
హై టెక్నాలజీతో దాదాపు 350కోట్ల భారీ బడ్జెట్ తో ఈ సినిమాను నిర్మిస్తున్నారు. విజువల్ ఎఫెక్ట్స్ కూడా సినిమాలో స్పెషల్ ఎట్రాక్షన్ గా నిలవనున్నట్లు సమాచారం. అయితే ఈ సినిమాకు సంబంధించిన రిలీజ్ డేట్ పై గత కొన్ని రోజులుగా అనేక రకాల కథనాలు వెలువడుతున్న విషయం తెలిసిందే. ఇక ఫైనల్ గా చిత్ర యూనిట్ సభ్యులు మహాశివరాత్రి సందర్భంగా సినిమాకు సంబంధించిన విడుదల తేదీపై ఆ విషయంలో క్లారిటీ ఇచ్చేశారు.
ఈ సినిమాను వచ్చే ఏడాది అనగా 2023 సంక్రాంతి కానుకగా జనవరి 13వ తేదీన విడుదల చేయబోతున్నట్లు దర్శకుడు సోషల్ మీడియా ద్వారా వివరణ ఇచ్చారు. పూర్తిగా 3D లో ఈ సినిమా ప్రపంచ వ్యాప్తంగా విడుదల కానుందని పేర్కొన్నారు. ఇక ఈ సినిమాలో ప్రభాస్ గతంలో ఎప్పుడూ లేని విధంగా రాముడి పాత్రలో రెండు విభిన్నమైన షేడ్స్ లో కనిపించబోతున్నాడు గా తెలుస్తోంది. ఇక ఈ సినిమాతో పాటు ప్రభాస్ రాధేశ్యామ్ సలార్ ప్రాజెక్ట్ కే సినిమాలను లైన్ లో పెట్టిన విషయం తెలిసిందే.
అలాగే సందీప్ రెడ్డి వంగ దర్శకత్వంలో స్పిరిట్ అనేది ఒక యాక్షన్ సినిమాను కూడా చేయడానికి గ్రీన్ సిగ్నల్ ఇచ్చాడు. ఈ సినిమా వచ్చే ఏడాది మొదలుకానుంది. మారుతి దర్శకత్వంలో కూడా ఓ సినిమా చేయడానికి అగ్రిమెంట్ చేసుకున్నట్లుగా తెలుస్తోంది. ఆ సినిమా ఈ ఏడాదిలోనే స్టార్ట్ అయ్యే అవకాశం ఉన్నట్లు సమాచారం.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
