Adipurush TRP: బుల్లితెరపై ప్రభాస్ మూవీకి రికార్డ్ రేటింగ్.. ఎంత వచ్చిందంటే?

ప్రభాస్ ఓం రౌత్ కాంబినేషన్ లో తెరకెక్కిన ఆదిపురుష్ మూవీ ఎన్ని వివాదాల్లో చిక్కుకుందో ప్రత్యేకంగా చెప్పాల్సిన అవసరం లేదు. రిలీజ్ కు ముందు రిలీజ్ తర్వాత ఈ సినిమా వివాదాల ద్వారా వార్తల్లో నిలిచింది. అయితే తాజాగా ఈ సినిమా బుల్లితెరపై ప్రసారం కాగా బుల్లితెరపై ఆదిపురుష్ బ్లాక్ బస్టర్ హిట్ గా నిలిచింది. ఈ సినిమాకు బుల్లితెరపై రికార్డ్ స్థాయిలో రేటింగ్ రావడంతో ఫ్యాన్స్ సంతోషానికి అవధులు లేకుండా పోయాయి.

ఈ మధ్య కాలంలో పెద్ద సినిమాలు బుల్లితెరపై ప్రసారమైనా మంచి రేటింగ్ ను సొంతం చేసుకోవడంలో ఫెయిల్ అవుతున్నాయి. అయితే (Adipurush) ఆదిపురుష్ అర్బన్ రేటింగ్ 9.47 కాగా అర్బన్ ప్లస్ రూరల్ రేటింగ్ 8.41 కావడం గమనార్హం. మైథలాజికల్ సినిమాకు ఈ స్థాయిలో రేటింగ్ కావడం సాధారణ విషయం కాదని మరి కొందరు అభిప్రాయాలను వ్యక్తం చేస్తున్నారు. ప్రభాస్ సినిమాకు మంచి రేటింగ్ రావడం అభిమానులకు సంతోషాన్ని కలిగిస్తోంది.

ప్రభాస్ ఇమేజ్ కు రాముడి సెంటిమెంట్ తోడు కావడం వల్ల ఈ స్థాయిలో రేటింగ్ సాధ్యమైందని మరి కొందరు చెబుతున్నారు. ప్రభాస్ మరిన్ని మైథలాజికల్ సినిమాలలో నటించాలని వివాదాలకు తావివ్వకుండా ఆ సినిమాలు తెరకెక్కేలా ప్రభాస్ ప్లాన్ చేసుకుంటే బాగుంటుందని నెటిజన్లు చెబుతున్నారు. ప్రభాస్ గ్రీన్ సిగ్నల్ ఇచ్చిన సినిమాలను పూర్తి చేయడానికి మరో నాలుగేళ్ల సమయం పట్టే ఛాన్స్ ఉంది.

ప్రభాస్ తో సినిమాలను తెరకెక్కించడానికి ఆసక్తి చూపిస్తున్న దర్శకనిర్మాతల జాబితా కూడా భారీ రేంజ్ లో ఉంది. ప్రభాస్ వరుస సినిమాలతో బిజీగా ఉండగా ఆ సినిమాలు థియేటర్లలో ఎప్పుడు విడుదలవుతాయో చూడాల్సి ఉంది. ఏడాదికి రెండు లేదా మూడు సినిమాలు విడుదలయ్యే విధంగా ప్రభాస్ కెరీర్ ను ప్లాన్ చేసుకుంటున్నారు. ప్రభాస్ రాజమౌళి కాంబోలో మరిన్ని సినిమాలు రావాలని కొంతమంది కామెంట్లు చేస్తున్నారు.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!