ఆ రికార్డు స్పైడర్ సొంతం!

సోషల్ మీడియాలో రెండు రోజులుగా మహేష్ మూవీ హంగామా చేస్తుంది. మురుగదాస్ దర్శకత్వంలో ప్రిన్స్ నటించిన యాక్షన్ థ్రిల్లర్ స్పైడర్ ఫస్ట్ లుక్ బుధవారం సంచలనం సృష్టిస్తోంది. అప్పుడే రిలీజ్ చేసిన మోషన్ పోస్టర్ ఒక్కరోజులో వన్ మిలియన్ వ్యూస్ సాధించి మహేష్ సత్తా చాటింది. ఈ మూవీకి టైటిల్ ఖరారైన కొన్ని గంటల్లోనే శాటిలైట్ హక్కులు అమ్ముడుపోవడం ఇప్పుడు టాక్ ఆఫ్ ది టాలీవుడ్ అయింది. అంతేకాకుండా అత్యధిక ధర పలికి బాహుబలి తర్వాతి స్థానంలో నిలిచింది. బాహుబలి మొదటి, రెండు పార్ట్ లు కలుపుకొని మాటీవీ వారు శాటిలైట్ హక్కులను 25 కోట్లకు సొంతం చేసుకున్నారు.

ఇది కేవలం తెలుగు వెర్షన్ కి మాత్రమే. స్పైడర్ మాత్రం తెలుగు, తమిళం, హిందీ భాషల్లో కలుపుకొని 26.5 కోట్లకు ఓ ఛానల్ సొంతం చేసుకుంది. బాహుబలి తర్వాత ఇంత ధర పలికిన తెలుగు చిత్రం ఇదే కావడం విశేషం. సో సినిమా షూటింగ్ కూడా పూర్తి కాకముందే రికార్డు కొల్లగొట్టిన ఈ మూవీ రిలీజ్ అయిన తర్వాత ఇంకెన్ని రికార్డులను బద్దలు కొడుతుందో చూడాలి. రకుల్ ప్రీత్ సింగ్ హీరోయిన్ గా నటిస్తున్న స్పైడర్ జూన్ 23 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.