ఐశ్వర్య రాజేష్ (Aishwarya Rajesh) తెలుగమ్మాయే. రాజేంద్రప్రసాద్ ‘రాంబంటు’ తో సినిమాల్లోకి అడుగు పెట్టింది. కానీ ఎక్కువగా తమిళ సినిమాల్లో నటించింది. హీరోయిన్ గా అక్కడ మంచి పేరు సంపాదించుకుంది. మంచి నటి అనిపించుకుంది. కానీ అక్కడ సరైన హిట్లు లేవు. అప్పుడే ఈమె 40 సినిమాల్లో చేసేసింది అంటే అతిశయోక్తి కాదు. కానీ చెప్పుకోదగ్గ హిట్లు ఈమెకు లేవు. తెలుగులో కూడా తన అదృష్టాన్ని పరీక్షించుకోవాలని చూసింది. ‘కౌసల్య కృష్ణమూర్తి’ అనే సినిమా చేసింది. అది ఆడలేదు.
తర్వాత విజయ్ దేవరకొండ (Vijay Devarakonda) సరసన ‘హీరో’ అనే సినిమాలో హీరోయిన్ గా చేసే ఛాన్స్ కొట్టింది. కానీ ఆ సినిమా కొన్ని కారణాల వల్ల ఆగిపోయింది. తర్వాత విజయ్ దేవరకొండ సరసన ‘వరల్డ్ ఫేమస్ లవర్’ (World Famous Lover) అనే సినిమాలో నటించింది. అందులో ఆమె పాత్రకి మంచి మార్కులు పడ్డాయి. తర్వాత నాని (Nani) ‘టక్ జగదీశ్’ (Tuck Jagadish), సాయి ధరమ్ తేజ్ (Sai Dharam Tej) ‘రిపబ్లిక్’ (Republic) వంటి సినిమాల్లో నటించింది. అవి కూడా ఆడలేదు.దీంతో ఆమె అనుకున్నది జరగలేదు.
మొత్తానికి వెంకటేష్ (Venkatesh Daggubati) ‘సంక్రాంతికి వస్తున్నాం’ (Sankranthiki Vasthunam) సినిమాలో ఆమెకు హీరోయిన్ ఛాన్స్ వచ్చింది. ఓ రకంగా ఆమెనే మెయిన్ హీరోయిన్ అనుకోవాలి. సినిమా బ్లాక్ బస్టర్ అయ్యింది. ముఖ్యంగా ఐశ్వర్య రాజేష్ కామెడీ కూడా అద్భుతంగా పండించగలదు అని ప్రూవ్ అయ్యింది. ఈ సినిమా సూపర్ హిట్ అవ్వడం వల్ల.. ఐశ్వర్య రాజేష్ కి తెలుగులో మరిన్ని ఆఫర్లు వస్తున్నాయని వినికిడి.ఒకటి, రెండు మిడ్ రేంజ్ హీరోల సినిమాలకి ఈమె సైన్ చేసినట్లు వినికిడి. త్వరలోనే దీనిపై క్లారిటీ రానుంది.
