సంక్రాంతి అంటే సినిమాల పండుగ. ప్రతి పండుగకు కొత్త సినిమాలు విడుదల అవుతూ ఉంటాయి. కానీ సంక్రాంతి టైంలో రిలీజ్ అయ్యే సినిమాలను ఎక్కువగా వీక్షిస్తారు ప్రేక్షకులు. ఈ సీజన్లో వచ్చే సినిమాలు టాక్ తో సంబంధం లేకుండా బాక్సాఫీస్ వద్ద మంచి వసూళ్లు సాధిస్తాయి. ప్లాప్ సినిమా యావరేజ్ అవుతుంది, యావరేజ్ సినిమా హిట్ అనిపించుకుంటుంది, హిట్ సినిమా బ్లాక్ బస్టర్ అవుతుంది, ఇక బ్లాక్ బస్టర్ సినిమా ఆల్ టైం రికార్డులు క్రియేట్ చేస్తుంది.
వీటికి ప్రత్యేకమైన ఉదాహరణలు అక్కర్లేదు. చాలా చూశాం, చూస్తూనే ఉన్నాం. అయితే సంక్రాంతికి ఏదో ఒక డబ్బింగ్ సినిమాని కూడా విడుదల చేస్తుంటారు మన డిస్ట్రిబ్యూటర్స్. అది కూడా పెద్ద బ్యానర్ నుండి వస్తుంటుంది. గత 5 ఏళ్లలో చూసుకుంటే..2019 సంక్రాంతికి ‘పేట’ (Petta) , 2020 సంక్రాంతికి ‘దర్బార్’ (Darbar), 2021 సంక్రాంతికి ‘మాస్టర్’ (Master) వచ్చింది. 2023 సంక్రాంతికి ‘వారసుడు’ (Varasudu) ‘తెగింపు’ వంటివి వచ్చాయి. ఇక 2025 సంక్రాంతికి కూడా అజిత్ (Ajith Kumar) నటించిన ‘గుడ్ బాడ్ అగ్లీ’ (Good Bad Ugly) సినిమా వస్తుంది అని ప్రకటించారు.
‘మైత్రి మూవీ మేకర్స్’ సంస్థ ఈ చిత్రాన్ని (Good Bad Ugly) నిర్మిస్తోంది. కానీ ఇప్పటి వరకు ఈ సినిమాకు సంబంధించిన టీజర్ లేదా గ్లింప్స్ వంటివి ఇప్పటివరకు బయటకు రాలేదు. అయినప్పటికీ నిర్మాతలు మొన్నామధ్య సంక్రాంతికి అజిత్ సినిమా వస్తుందని చెప్పారు. మరి షూటింగ్ అనుకున్న టైంకి కంప్లీట్ అవుతుందా? లేదా? వంటి వివరాలు.. అదే అప్డేట్స్ ఏమీ రావడం లేదు. కానీ 2025 సంక్రాంతికి తమిళంలో పేరున్న సినిమాలు రిలీజ్ అవ్వడం లేదు. అలా చూసుకుంటే అజిత్ సినిమా.. ఆ సీజన్ ను మిస్ చేసుకునే ఛాన్స్ లేదు. చూడాలి మరి ఏమవుతుందో..!
