‘ఖైదీ నంబరు 150’ సెట్ లో అఖిల్!

నేటి టాలీవుడ్ యువ హీరోల్లో చాలా మంది మెగాస్టార్ చిరంజీవి సినిమాలు చూస్తూ పెరిగారు. చిన్నప్పుడు చిరు డ్యాన్స్, ఫైట్లు చూసి విజిల్స్ కొట్టారు. అటువంటి హీరో తొమ్మిదేళ్ల తర్వాత మళ్లీ సినిమా చేస్తుంటే .. ఆ చిత్రం విడుదళ్లయ్యే దాకా ఉండలేక పోతున్నారు. ఏకంగా షూటింగ్ స్పాట్ కి వెళ్లి ప్రత్యక్షంగా మెగాస్టార్ యాక్షన్ ని చూస్తున్నారు. చిరంజీవి 150వ చిత్రం ‘ఖైదీ నంబరు 150’ని అన్ని హంగులతో వి.వి.వినాయక్ తెరకెక్కిస్తున్నారు.

రెండు రోజుల క్రితం ఈ సెట్ కి అక్కినేని అఖిల్ వెళ్లారు. కాసేపు అక్కడే ఉండి చిత్రీకరణను వీక్షించారు. డైరక్టర్ తో ముచ్చటించారు. వినాయక్ తో కలిసి అఖిల్ ఫోటో తీసుకున్నారు. వీరిద్దరూ కలిసి ఉన్న ఫోటోని చిత్ర నిర్మాణ సంస్థ కొణిదెల ప్రొడక్షన్ కంపెనీ సోషల్ మీడియాలో పోస్ట్ చేసింది. ‘ఖైదీ నంబరు 150 యాక్షన్లో ఉన్నప్పుడు చూడడానికి ఎవరొచ్చారో చూడండి’ అని ట్వీట్ చేసింది. హీరో లే కాదు నిర్మాతలు, దర్శకులు కూడా చిరు ఫిల్మ్ షూటింగ్ విశేషాలు తెలుసుకునేందుకు ఆసక్తి కనబరుస్తున్నారు. కొన్ని రోజుల క్రితం దర్శకుడు హరీశ్ శంకర్, నిర్మాత దిల్ రాజ్ లు సెట్స్ కి వెళ్లి కొంతసేపు చిత్ర బృందం తో సరదాగా గడిపారు. ఈ ఫోటోలు కూడా సోషల్ మీడియాలో చక్కర్లు కొడుతున్నాయి.

See who has come to visit The #KhaidiNo150 in action mode! @AkhilAkkineni8 #VVVinayak pic.twitter.com/lAKRK32TWD

— #KhaidiNo150 (@KonidelaPro) August 30, 2016

Team #DuvvadaJagannadham on the sets of #KhaidiNo150 yesterday! All the best @harish2you @SVC_official pic.twitter.com/EFmKv8P8vq

— #KhaidiNo150 (@KonidelaPro) August 28, 2016