మహేష్బాబు చూడటానికి క్లాస్గా, కామ్గా కనిపిస్తాడు కానీ.. ఆయన చాలా చిలిపి అని, సరదాగా ఉంటాడని చెబుతుంటారు కలసి పని చేసినోళ్లు. సినిమా సెట్స్లో మహేష్బాబు అల్లరి ఓ లెవల్లో ఉంటుందని చెబుతుంటారు. ఆయన ఒక్కసారి యాక్టివ్ అయ్యాడంటే మిగిలినవాళ్లంతా కామ్ అయిపోతారు. స్మూత్గా వేసే సెటైర్లకు కౌంటర్లు వేయడం కూడా చుట్టూ ఉన్నవాళ్లకు కష్టమే అని చెబుతుంటారు. ఒకట్రెండు సందర్భాల్లో సినిమా ప్రచారం సందర్భంగా ఇచ్చే ఇంటర్వ్యూల్లో ఆ సందడి మనం చూశాం కూడా. అయితే సినిమా సెట్స్లో ఎలా ఉంటారో ఇటీవల అలీ చెప్పుకొచ్చారు.
మహేష్బాబు, అలీ కొన్ని సినిమాలు చేశారు. ఆ సినిమాల్లో ‘శ్రీమంతుడు’ ఒకటి. ఈ సినిమా సెట్స్లో ఓసారి జరిగిన సరదా సంఘటన గురించి ఇటీవల అలీ చెప్పుకొచ్చారు. సినిమా షూటింగ్ జరుగుతున్న సమయంలో ఓ రోజు సెట్స్లో మహేష్బాబు, అలీ వచ్చి ఉన్నారట. ఆ సీన్లో వారితోపాటు కథానాయిక శ్రుతి హాసన్ కూడా నటించాల్సి ఉందట. అయితే ఆ రోజు ఆమె రావడం కాస్త ఆలస్యమైందట. దీంతో అలీతో మహేష్బాబు ఎప్పుడొస్తుందో శ్రుతి.. అని అన్నారట. దానికి అలీ ఇచ్చిన రిప్లై ఆ తర్వాత అతన్ని ఇబ్బంది పెట్టిందట.
‘కమల్ హాసన్ కూతురు కదండీ.. కాస్త ఆలస్యంగా వస్తుందిలే’ అని నవ్వుతూ మహేష్బాబుతో అన్నారట అలీ. ఆ మాట అన్న కాసేటికి సెట్లోకి శ్రుతి హాసన్ వచ్చిందట. వెంటనే మహేష్ బాబు రియాక్ట్ అవుతూ ‘శ్రుతీ.. నువ్వు కమల్ హాసన్ కూతురివి కదా.. లేటుగానే వస్తావు అని అలీ అంటున్నాడు’ అని అనేశాడు. అలా నన్ను మహేష్ ఇరికించేశాడు అని ఆ ఈవెంట్లో చెప్పుకొచ్చారు అలీ. మరి మీ ఫ్రెండ్ పవన్ కల్యాణ్ సినిమాలో ఎప్పుడు మళ్లీ నటిస్తారు అని అలీని అడిగితే.. త్వరలోనే అంటూ చిన్న హింట్ ఇచ్చారు. గతంలోనూ ఆయన ఇదే మాట చెప్పారు కానీ అవ్వలేదు. ఇప్పుడైనా అవుద్దేమో చూడాలి.
