Akhanda vs RRR: ‘అఖండ’ మూవీ రిలీజ్ డేట్ ఫిక్స్.. ప్లానింగ్ బాగానే ఉంది..!

నందమూరి బాలకృష్ణ హీరోగా బోయపాటి శ్రీను దర్శకత్వంలో తెరకెక్కుతున్న ‘అఖండ’ చిత్రీకరణ ఫైనల్ స్టేజిలో ఉంది. ప్రగ్య జైస్వాల్ హీరోయిన్ గా నటిస్తున్న ఈ చిత్రానికి తమన్ సంగీత దర్శకుడు. అయితే ‘ఆచార్య’ లానే ఈ చిత్రానికి సంబంధించి కూడా రెండు పాటలు పెండింగ్ ఉన్నాయి. సెప్టెంబర్ 2వ వారానికి వాటి చిత్రీకరణ కూడా పూర్తవుతుందట. ఇదిలా ఉండగా.. ఈ చిత్రం రిలీజ్ డేట్ ను కూడా చిత్ర యూనిట్ సభ్యులు ఫిక్స్ చేసినట్టు తెలుస్తుంది. అక్టోబర్ 8న ‘అఖండ’ ను ప్రేక్షకుల ముందుకు తీసుకురాబోతున్నారట.

త్వరలోనే అధికారిక ప్రకటన కూడా వచ్చే అవకాశం ఉంది. దసరా సెలవులు అప్పటి నుండే మొదలుకానున్నాయి కాబట్టి.. ఆ డేట్ కు రిలీజ్ చేస్తే ‘అఖండ’ మంచి వసూళ్ళను సాధించే అవకాశం కూడా ఉంటుందనేది నిర్మాతలు ఆలోచనగా స్పష్టమవుతోంది. బాలయ్య- బోయపాటి ల కాంబినేషన్లో గతంలో వచ్చిన ‘సింహా’ ‘లెజెండ్’ వంటి సినిమాలు బ్లాక్ బస్టర్లు అయ్యాయి కాబట్టి ఈ మూవీ పై కూడా భారీ అంచనాలు నెలకొన్నాయి.

అయితే అక్టోబర్ 13న ‘ఆర్.ఆర్.ఆర్’ కూడా విడుదల కాబోతున్నట్టు ఇప్పటికే ఆ చిత్రం యూనిట్ ప్రకటించారు. కానీ ఆ మూవీ రిలీజ్ డేట్ మళ్ళీ పోస్ట్ పోన్ అయ్యిందని ఇన్సైడ్ టాక్ బలంగా వినిపిస్తోంది. 2022 వ సంవత్సరం జనవరి 24,25 తేదీల్లో ‘ఆర్.ఆర్.ఆర్’ విడుదలయ్యే అవకాశాలు కనిపిస్తున్నాయి. అందుకే ‘అఖండ’ టీం ముందస్తుగా అక్టోబర్ 8వ తేదీకి కర్చీఫ్ వేసుకుంటున్నారన్న మాట.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!