Bhairava Dweepam: ఇప్పుడు బాలయ్య వంతు.. ఆ రేంజ్ కలెక్షన్లు సొంతమవుతాయా?

బాలకృష్ణ సినీ కెరీర్ లోని బిగ్గెస్ట్ బ్లాక్ బస్టర్ హిట్లలో భైరవ ద్వీపం సినిమా కూడా ఒకటనే సంగతి తెలిసిందే. ఈ జనరేషన్ ప్రేక్షకులు సైతం ఈ సినిమాను ఎంతగానో ఇష్టపడతారు. సింగీతం శ్రీనివాసరావు డైరెక్షన్ లో తెరకెక్కి 1994లో విడుదలైన ఈ సినిమాకు రావి కొండలరావు కథ, మాటలు అందించారు. జానపద చిత్రంగా తెరకెక్కిన ఈ సినిమాలో బాలయ్యకు జోడీగా రోజా నటించడం జరిగింది. ఈ సినిమాకు ఎన్నో అవార్డులు వచ్చాయి.

ప్రస్తుతం స్టార్ హీరోల బ్లాక్ బస్టర్ సినిమాల రీ రిలీజ్ హవా నడుస్తున్న నేపథ్యంలో భైరవద్వీపం మూవీ కూడా రీ రిలీజ్ కానుందని సమాచారం అందుతోంది. జూన్ నెల 10వ తేదీన బాలయ్య పుట్టినరోజు అనే సంగతి తెలిసిందే. 4కేలో ఈ సినిమా రీ రిలీజ్ కానుండటంతో ఫ్యాన్స్ సైతం సంతోషిస్తున్నారు. అప్పట్లో ఈ సినిమా కల్ట్ క్లాసిక్ గా నిలిచిందనే సంగతి తెలిసిందే. ఫాంటసీ థ్రిల్లర్ అయిన భైరవద్వీపం మూవీ రీ రిలీజ్ లో ఏ స్థాయిలో కలెక్షన్లను సొంతం చేసుకుంటుందో చూడాల్సి ఉంది.

పెద్దతెరపై (Bhairava Dweepam) భైరవ ద్వీపం సినిమాను చూడాలని భావించే వాళ్లు ఈ సినిమాపై దృష్టి పెడితే మంచిది. బాలయ్య కూడా బాక్సాఫీస్ వద్ద కోట్ల రూపాయల కలెక్షన్లను సాధించి భైరవ ద్వీపం సినిమాతో సత్తా చాటుతారేమో చూడాలి. ఈ సినిమా రీ రిలీజ్ చేయడానికి బెస్ట్ ఆప్షన్ అని కామెంట్లు వినిపిస్తున్నాయి. మరోవైపు బాలయ్య కెరీర్ పరంగా బిజీగా ఉన్నారు.

వరుస సినిమా ఆఫర్లతో బాలయ్య విజయవంతంగా కెరీర్ ను కొనసాగిస్తున్నారు. బాలయ్య త్వరలో కొత్త ప్రాజెక్ట్ లను సైతం ప్రకటించనున్నారు. బోయపాటి శ్రీను, బాబీ, మరి కొందరు టాలెంటెడ్ డైరెక్టర్ల డైరెక్షన్ లో బాలయ్య నటిస్తున్నారు. ఒక సినిమాను పూర్తి చేసిన తర్వాతే బాలయ్య మరో సినిమాకు గ్రీన్ సిగ్నల్ ఇస్తుండటం హాట్ టాపిక్ అవుతోంది.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు