మరోసారి RAW ఏజెంట్ గా సల్మాన్.. మల్టీస్టారర్?

బాలీవుడ్ స్టార్ హీరో సల్మాన్ ఖాన్ మొత్తానికి పెండింగ్ లో ఉన్న సినిమాల పనులను చాలా వేగంగా పూర్తి చేస్తున్నాడు. ఏ మాత్రం గ్యాప్ ఇవ్వకుండా ఒకదాని తరువాత మరొక సినిమాను లైన్ లో పెడుతున్నాడు. అయితే ప్రస్తుతం రాధే సినిమాతో రెడీగా ఉన్న సల్మాన్ ఖాన్ ఆ సినిమా తరువాత మరొక రెండు సినిమాలను లైన్ ల్ లెట్టాలని డిసైడ్ అయ్యాడు. ఇక తన కెరీర్ ల్ బిగ్గెస్ట్ హిట్ గా నిలిచిన టైగర్ కాన్సెప్ట్ తో మరో సినిమాను ప్లాన్ చేస్తున్నట్లు తెలుస్తోంది.

టైగర్, టైగర్ జిందా హై సల్మాన్ ఖాన్ కెరీర్‌లో బిగ్గెస్ట్ హిట్స్. ఆ సినిమాలతోనే సల్మాన్ ఖాన్ బాక్సాఫీస్ స్టామినా ప్రపంచ వ్యాప్తంగా మరింత బలంగా మారింది. ఇక అదే తరహాలో హిట్ కొట్టడానికి టైగర్ 3ను ప్లాన్ చేస్తున్నారు. RAW ఏజెంట్ గా సల్మాన్ ఖాన్ మరోసారి పవర్ఫుల్ లుక్ లో కనిపించనున్నట్లు సమాచారం. అసలైతే టైగర్ 3 గత ఏడాది మొదట్లోనే సెట్స్ పైకి రావాల్సింది. కానీ కరోనా కారణంగా వాయిదా వేయక తప్పలేదు.

లేటెస్ట్ అప్‌డేట్ ఏమిటంటే ఈ చిత్రం షూటింగ్ త్వరలో అందమైన దేశం ఇస్తాంబుల్‌లో ప్రారంభం కానుందట. మనీష్ శర్మ మూడవ టైగర్ ను డైరెక్ట్ చేయబోతున్నాడు. ఈ సినిమాలో మరో బాలీవుడ్ హీరో కూడా ప్రధాన పాత్రలో నటించనున్నట్లు టాక్. ఇక కత్రినా కైఫ్ మొదటి రెండు భాగాల్లో హీరోయిన్ గా నటించిన విషయం తెలిసిందే. మరి మూడవసారి ఎవరు నటిస్తారో చూడాలి.

Most Recommended Video

జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?