అల్లు అర్జున్ (Allu Arjun) ‘పుష్ప 2’ (Pushpa 2: The Rule) ప్రమోషన్స్ లో బిజీగా గడుపుతున్నాడు. ఈరోజు ముంబైలో ఓ ప్రెస్మీట్లో పాల్గొన్నాడు బన్నీ. ఈ సందర్భంగా అతను ‘పుష్ప 2’ గురించి చేసిన కామెంట్స్ హాట్ టాపిక్ అయ్యాయి. అల్లు అర్జున్ మాట్లాడుతూ.. “‘పుష్ప 2’ కోసం 3 ఏళ్ళు కష్టపడ్డాను. మొత్తం ‘పుష్ప’ ప్రాజెక్టు కోసం 5 ఏళ్ళు కష్టపడ్డాను. ఈ సినిమాని డైరెక్ట్ చేసింది నా స్నేహితుడు సుకుమార్ (Sukumar). నార్త్ ఆడియన్స్ కి తెలియనిది ఏంటంటే.. ‘ఆర్య’ (Aarya)సినిమాకి కూడా అతనే దర్శకుడు.
నేను ఈరోజు ఇలా ఉన్నాను అంటే దానికి కారణం సుకుమార్. అలాగే 69 ఏళ్ల తెలుగు సినీ చరిత్రలో జాతీయ పురస్కారం అందుకుంది నేనే. ఆ విషయంలో నేను చాలా గర్వపడుతున్నాను. అది కూడా సుకుమార్ వల్లే సాధ్యమైంది. నన్ను తెలుగు ప్రేక్షకులు నేషనల్ వైడ్ ఫేమస్ అయ్యేలా చేశారు. కాబట్టి నేను నేషనల్ వైడ్ సక్సెస్ అయ్యి వాళ్ళని గర్వపడేలా చేయాలి.
‘పుష్ప 2’ సినిమా షూటింగ్ ఎప్పుడైపోతుందా? ఎప్పుడు రిలీజ్ అవుతుందా? అని నేను చాలా కాలంగా ఎదురు చూస్తున్నాను. ఎందుకంటే నా కూతురు నా దగ్గరకు రావడం మానేసింది. ఎందుకంటే.. నేను గడ్డంతో ఉన్నాను. నేను తనని ముద్దు పెట్టుకోవడానికి నా గడ్డం అడ్డు వస్తుంది. ఆమెను ఇబ్బంది పెడుతుంది. అందుకే ‘పుష్ప 2’ రిలీజ్ కోసం చాలా ఆతృతగా ఎదురు చూస్తున్నాను” అంటూ చెప్పుకొచ్చాడు.
మొన్నామధ్య విదేశాలకి వెళ్తూ అల్లు అర్జున్ గడ్డం ట్రిమ్ చేసుకున్నాడు. అది దర్శకుడు సుకుమార్ పై కోపంతోనే అని టాక్ నడిచింది. దానిపై అతని స్నేహితుడు బన్నీ వాస్ కూడా క్లారిటీ ఇవ్వాల్సి వచ్చింది. ఇక తాజాగా అల్లు అర్జున్ చేసిన కామెంట్స్ పరోక్షంగా ఆ గడ్డం ఇష్యుకి కూడా క్లారిటీ ఇచ్చినట్టు అయ్యింది.
పుష్ప గెటప్ వల్ల నా కూతుర్ని మనస్ఫూర్తిగా ముద్దు పెట్టుకోలేకపోతున్నాను : అల్లు అర్జున్#AlluArjun #AlluArha #Pushpa2TheRule #PushpaIconicPressMeet pic.twitter.com/hUoPU2Ca9B
— Filmy Focus (@FilmyFocus) November 29, 2024
