క్లాస్ రోల్ లో నటించినా, మాస్ రోల్ లో నటించినా తన నటనతో ప్రేక్షకులను ఆకట్టుకుంటూ బన్నీ విజయాలను సొంతం చేసుకుంటున్న సంగతి తెలిసిందే. బన్నీకి ఇతర రాష్ట్రాల్లో కూడా వీరాభిమానులు ఉన్నారు. చాలా సంవత్సరాల క్రితమే కేరళలో ఊహించని స్థాయిలో ఫ్యాన్ ఫాలోయింగ్ ను సంపాదించుకున్న బన్నీ పుష్ప ది రైజ్ తో బాలీవుడ్ ఇండస్ట్రీలో కూడా ఫ్యాన్ ఫాలోయింగ్ ను పెంచుకున్నారు. తగ్గేదేలే అనే డైలాగ్ బన్నీకి క్రేజ్, పాపులారిటీని మరింత పెంచింది.
బన్నీ డ్యాన్స్ కు ఫిదా అయిన సెలబ్రిటీల జాబితా కూడా ఎక్కువ సంఖ్యలోనే ఉండటం గమనార్హం. స్టైలిష్ గా కనిపించడానికి ఇష్టపడే బన్నీ పాత్ర నచ్చితే ఆ పాత్ర కోసం ఎంత కష్టమైనా భరిస్తారు. సాధారణంగా చాలామంది టాలీవుడ్ హీరోలు డీ గ్లామర్ రోల్స్ లో నటించడానికి అస్సలు ఒప్పుకోరు. అయితే బన్నీ మాత్రం పుష్ప సినిమాలో డీగ్లామర్ రోల్ లో కూడా అదరగొట్టేశారు. బన్నీ నటించిన పుష్ప ది రూల్ షూటింగ్ త్వరలో మొదలుకానుండగా ఈ సినిమా వచ్చే ఏడాది రిలీజయ్యే అవకాశాలు ఉన్నాయని ప్రచారం జరుగుతోంది.
అయితే బన్నీ పుట్టినరోజు సందర్భంగా బన్నీ చిన్నప్పుడు చేసిన ఒక తుంటరి పని నెట్టింట వైరల్ అవుతోంది. బన్నీ ఇంటర్ ఫస్ట్ ఇయర్ చదివే సమయంలో బన్నీ ప్రోగ్రెస్ రిపోర్ట్ తీసుకెళ్లాలని అల్లు అరవింద్ కు ఫోన్ రాగా ఆయన స్కూల్ కు వెళ్లారు. అల్లు అరవింద్ టీచర్ ఇచ్చిన ప్రోగ్రెస్ రిపోర్ట్ చూడగా అందులో ప్రతి సబ్జెక్ట్ లో బన్నీ తక్కువ మార్కులే తెచ్చుకున్నాడట. అయితే ఆ తర్వాత టీచర్ మాత్రం మీరు వెళ్లొచ్చు అని చెప్పగా అల్లు అరవింద్ షాకయ్యారని సమాచారం.
ఆ తర్వాత బన్నీ స్నేహితులు అల్లు అరవింద్ ను కలిసి మా నాన్న వచ్చిన సమయంలో మీరేమైనా మాట్లాడితే మీ కూతురిని లవ్ లో పడేస్తా అని టీచర్ ను బన్నీ బెదిరించాడని అందుకే టీచర్ ఏమీ మాట్లాడలేదని చెప్పారట. అల్లు అరవింద్ ఒక సందర్భంలో బన్నీ గురించి చెబుతూ ఈ విషయాలను వెల్లడించారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home