Allu Arjun: మెగా ఫ్యాన్స్ కు గూస్ బంప్స్ తెప్పిస్తున్న బన్నీ కామెంట్స్.. పుష్ప2 డైలాగ్ తో?

టాలీవుడ్ స్టార్ హీరోలలో ఒకరైన అల్లు అర్జున్ బ్యాక్ టు బ్యాక్ ఇండస్ట్రీ హిట్లను ఖాతాలో వేసుకోగా ఏదైనా ఈవెంట్ లో బన్నీ ఎలాంటి స్పీచ్ ఇచ్చినా ఆ స్పీచ్ హాట్ టాపిక్ అవుతుంది. తాజాగా బన్నీ కట్టె కాలేవరకు నేను చిరంజీవి అభిమానినే అంటూ చేసిన కామెంట్లతో మెగా ఫ్యాన్స్ కు దగ్గరయ్యారు. అదే సమయంలో పుష్ప2 సినిమాకు సంబంధించిన డైలాగ్ ను లీక్ చేసిన బన్నీ హీరోగా కూడా మరో మెట్టు పైకి ఎదిగారు.

చిరంజీవి చిరు లీక్స్ తో తరచూ వార్తల్లో నిలుస్తుండగా బన్నీ సైతం పుష్ప లీక్స్ అంటూ పుష్ప2 సినిమాలోని కీలకమైన డైలాగ్ ను లీక్ చేసేశారు. “ఈడంతా జరిగేది ఒకటే రూలు మీద జరుగుతుండాది. పుష్ప గాడి రూల్” అంటూ బన్నీ చెప్పిన డైలాగ్ ఫ్యాన్స్ కు తెగ నచ్చేసింది. ప్రేమలో ఉన్న బాధను చూపించే సినిమాలు కొన్నే ఉంటాయని అలాంటి సినిమాలు తీయాలన్నా కష్టమని బేబీ మూవీ గురించి బన్నీ చెప్పారు.

జీవితాన్ని స్వయంగా చూసి రాస్తేనే ఇలాంటి సినిమాలొస్తాయని అల్లు అర్జున్ కామెంట్లు చేశారు. అమీర్ పేట్ లోని ఆటో కుర్రాళ్లు ఎలా ఫీలవుతారో బేబీ సినిమా చూశాక నేను అలానే ఫీలయ్యానని బన్నీ అన్నారు. శ్రీలీల, వైష్ణవి ఎంట్రీతో టాలీవుడ్ లో తెలుగమ్మాయిలకు టైం వచ్చిందని ఆయన కామెంట్లు చేశారు. బేబీ చిత్ర అభినందన సభకు ముఖ్య అతిథిగా హాజరై బన్నీ ఈ విషయాలను చెప్పుకొచ్చారు.

కట్టె కాలేవరకు చిరంజీవి అభిమానినే అని బన్నీ వెల్లడించారు. సినిమా బాగుంటే చిన్న, పెద్ద అనే తేడా ఉండదని అల్లు అర్జున్ పేర్కొన్నారు. ఎస్కేఎన్ ను ఎప్పుడు అడిగినా బేబీ సినిమా తీస్తున్నా అని చెప్పేవాడని ఈ సినిమా ఏమైనా బాహుబలినా ఇన్నాళ్ళు తీస్తున్నావ్ అని అడగగా ఇది కల్ట్ సినిమా బాస్ అని నమ్మకంగా చెప్పేవాడని అల్లు అర్జున్ చెప్పుకొచ్చారు. బన్నీ వెల్లడించిన విషయాలు సోషల్ మీడియాలో వైరల్ అవుతున్నాయి.

పాత్ర కోసం ఇష్టాలను పక్కన పడేసిన నటులు వీళ్లేనా..!

సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు