సుకుమార్ సినిమాలో హల్క్ బాడీ, నెగటివ్ షేడ్స్ తో బన్నీ రోల్

హీరో పాత్రలను సరికొత్త రూపొందించడంలో సుకుమార్ కి మించినోడు లేదంటే అతిశయోక్తికాదు. తన మొదటి చిత్రం నుండి రంగస్థలం వరకు ప్రతి సినిమాలో హీరో పాత్ర ప్రత్యేకం. ఆర్య చిత్రంలో బన్నీని సరికొత్త ప్రేమికుడిగా పరిచయం చేసిన సుకుమార్, ఆర్య2 లో అతన్ని సైకో ప్రేమికుడిగా చూపించాడు. ప్రేమ, స్నేహం మధ్య నలిగిపోయే లవర్ రోల్ లో బన్నీ విజృభించాడు. ఇక 100%లవ్ సినిమాలో చైతూ పాత్ర కానీ, నాన్నకు ప్రేమతో సినిమాలో ఎన్టీఆర్ పాత్ర, సుకుమార్ గత చిత్రం రంగస్థలంలో చిట్టి బాబుగా చరణ్ పాత్ర చాలా వైవిధ్యం అని చెప్పాలి.

మరి బన్నీతో సుకుమార్ చేస్తున్న హ్యాట్రిక్ మూవీలో అతన్ని ఎలా చూపించనున్నాడు అనే ఆసక్తి ఇప్పటికే ఫ్యాన్స్ లో మొదలైపోయింది. సుకుమార్ ఈ చిత్రాన్ని శేషాచలం అడవులలో జరిగే గంధపు చెక్కల స్మగ్లింగ్ నేపథ్యంలో తెరకెక్కిస్తున్న సంగతి తెలిసిందే. కాగా తాజా సమాచారం ప్రకారం బన్నీ డి గ్లామర్ రోల్ చేస్తుండగా లారీ డ్రైవర్ గా కనిపిస్తాడట. అలాగే బన్నీ ఈ సినిమాలో కండలు పెంచి హల్క్ బాడీతో కనిపించడంతో పాటు, అతని పాత్ర నెగెటివ్ షేడ్స్ కలిగిన వుంటుందట. ఆర్య 2లో వలె కొంచెం సైకో బిహేవియర్ కలిగిన విలనీ లక్షణాలు కలిగి ఉంటుందని సమాచారం. సుకుమార్ గత చిత్రాలలోని హీరోల పాత్రల వలె బన్నీ రోల్ ప్రత్యేకంగా నిలవడం ఖాయం.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!