అల్లు అర్జున్ సినిమాలు ఎక్కువగా చూస్తా!

స్టైలిష్ స్టార్ అల్లు అర్జున్ కి ఉన్న ఫ్యాన్ ఫాలోయింగ్ గురించి ప్రత్యేకంగా చెప్పనక్కర్లేదు. తెలుగులోనే కాకుండా మలయాళంలో కూడా బన్నీ ఫ్యాన్స్ అసోసియేషన్లు ఉన్నాయి. అతడి డబ్బింగ్ సినిమాలు కూడా స్ట్రెయిట్ సినిమాల మాదిరి భారీగా రిలీజ్ చేస్తుంటారు. సౌత్ లోనే కాకుండా.. నార్త్ లో కూడా బన్నీకి క్రేజ్ పెరుగుతోంది. అతడి సినిమాలను హిందీలో డబ్ చేసి యూట్యూబ్ లో రిలీజ్ చేస్తుంటే మిలియన్ల వ్యూస్ వస్తున్నాయి. ఇక ఈ ఏడాదిలో విడుదలైన ‘అల.. వైకుంఠపురములో’ సినిమాతో బన్నీ తన రేంజ్ మరింత పెంచుకున్నాడు. ఈ సినిమా పాటలతో బాలీవుడ్ సెలబ్రిటీలు వీడియోలు కూడా చేశారు.

ఆస్ట్రేలియా క్రికెటర్ డేవిడ్ వార్నర్ అయితే ‘రాములో రాములా’ పాటకి స్టెప్పులు వేస్తూ ప్రేక్షకులను అలరించాడు. ఇదిలా ఉండగా.. ఇండియన్ విమెన్ క్రికెట్ లో గతేడాది టీమిండియా మహిళా జట్టుకి ఎంపికై.. అతి కొద్దికాలంలో గుర్తింపు తెచ్చుకున్న క్రికెటర్ ప్రియా పూనియా. జైపూర్ కి చెందిన 24 ఏళ్ల ప్రియా బ్యాటింగ్ తో పాపులర్ అయింది. ఇప్పటివరకు 5 వన్డేలు ఆడి 175 పరుగులు చేసింది.అత్యధిక స్కోరు 75 నాటౌట్.

తాజాగా సోషల్ మీడియాలో తన అభిమానులతో మాట్లాడిన ఈ క్రికెటర్.. తనకు సౌత్ ఇండియా స్టైలిష్ స్టార్ అల్లు అర్జున్ అంటే చాలా ఇష్టమని చెప్పింది. అతని సినిమాలు ఎక్కువగా చూస్తానని చెప్పుకొచ్చింది. ప్రస్తుతం ఈ వీడియో సోషల్ మీడియాలో వైరల్ అవ్వడంతో.. బన్నీ అభిమానులు ప్రియా పూనియా గురించి మరిన్ని విషయాలు తెలుసుకోవడానికి సెర్చ్ చేస్తున్నారు.

Most Recommended Video

ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
ఈ 12 మంది ఆర్టిస్ట్ ల కెరీర్.. షార్ట్ ఫిలిమ్స్ ద్వారానే మొదలయ్యింది..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!