తెలుగులో ఎంత పాన్ ఇండియా సినిమా చేసినా… దానిని తెలుగు సినిమా అనే అంటారు.. అంతేకానీ హిందీ సినిమా అనరు. బాలీవుడ్ దర్శకుడితో చేస్తేనే హిందీ సినిమా అంటారు. ఇది మేం అనేమాట కాదు. సినిమా పరిశ్రమే అంటోంది. అందుకే మన యువ స్టార్ హీరోలు బాలీవుడ్ దర్శకులతో పని చేయాలని చూస్తున్నారా? స్టార్ హీరోల రీసెంట్ మూమెంట్స్ చూస్తుంటే అలానే అనిపిస్తోంది. మొన్న ప్రభాస్, నిన్న అల్లు అర్జున్, ఈ రోజు ఎన్టీఆర్. ఇలా అందరూ బాలీవుడ్ దర్శకులతో పని చేయాలని చూస్తున్నారు.
ఇదంతా బాలీవుడ్ ప్రేమనే అనొచ్చా. ‘బాహుబలి’తో పాన్ ఇండియా హీరో అయిపోయిన ప్రభాస్.. హిందీ సినిమా చేయాలనే కోరికను మనసులో పెట్టుకున్నాడు. ‘ఆదిపురుష్’తో ఆ ముచ్చట తీర్చేసుకున్నాడు. ఓం రౌత్ దర్శకుడిగా ఈ సినిమా షూటింగ్ ఇటీవల పూర్తి చేసుకుంది. ఇటీవల అల్లు అర్జున్ కూడా ఇదే పని చేయాలని చూశాడు. సంజయ్ భన్సాలీని ఈ విషయమ్మీదే బన్నీ కలిశాడని చెబుతున్నారు. దీనిపై బన్నీ టీమ్ నుండి ఎలాంటి అధికారిక సమాచారం లేదు.
ఇప్పుడు తారక్ నోటి వెంట కూడా బాలీవుడ్ దర్శకుల పేర్లు వినిపిస్తున్నాయి. హిందీలో ఎవరితో సినిమా చేయాలని ఉంది అనడిగితే రాజ్ కుమార్ హిరానీ పేరు చెప్పాడు తారక్. అంతేకాదు సంజయ్ లీలా భన్సాలీ భారీ సినిమాలన్నా తనకు బాగా ఇష్టం అని చెప్పుకొచ్చాడు. ఇవేవో మాట వరుసకు అన్న మాటలు కావు అని అంటున్నారు. తారక్ మనసులో బాలీవుడ్ ఆలోచన బలంగా ఉంది అనేది టాక్. అయితే ఇప్పటికే బాలీవుడ్ సినిమా ముచ్చటను రానా, రామ్చరణ్ తీర్చేసుకున్నారు.
రానా అయితే వరుసగా చాలా సినిమాలు చేసేశాడు. రామ్చరణ్ ‘తుఫాన్’ చేశాడు. ఆ ఫలితం కారణమేమో మళ్లీ అటైపు చూడలేదు. ఇక రీసెంట్గా నాగచైతన్య ‘లాల్ సింగ్ చద్దా’ సినిమాలో ఆమిర్ ఖాన్తో కలసి నటిస్తున్నాడు. సుధీర్బాబు అయితే ‘బాఘి 2’లో విలన్గా కనిపించాడు. ఇదంతా ఇప్పటి హీరోల గురించి. గతంలో అయితే చిరంజీవి, నాగార్జున లాంటి వాళ్లు అక్కడ సినిమాలు చేసినవాళ్లే.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
