చరణ్ చేయాల్సిన సినిమాలో బన్నీ నటిస్తున్నారా..?

సుమంత్, ఆకాంక్ష సింగ్ జంటగా నటించిన మళ్లీరావా సినిమాతో దర్శకునిగా తెలుగుతెరకు పరిచయమయ్యారు గౌతమ్ తిన్ననూరి. తొలి సినిమాతోనే సక్సెస్ సాధించిన గౌతమ్ నాచురల్ స్టార్ నానితో జెర్సీ సినిమా తెరకెక్కించి ఆ సినిమాతో బ్లాక్ బస్టర్ హిట్ ఖాతాలో వేసుకున్నారు. ప్రస్తుతం బాలీవుడ్ లో జెర్సీ రీమేక్ పనులతో బిజీగా ఉన్న గౌతమ్ తిన్ననూరి ఈ సినిమా తరువాత స్టైలిష్ స్టార్ అల్లు అర్జున్ తో ఒక సినిమా తెరకెక్కించనున్నారని తెలుస్తోంది.

బన్నీ హీరోగా నటించిన అల వైకుంఠపురములో సినిమా ఇండస్ట్రీ హిట్ కావడంతో పాటు రికార్డుస్థాయిలో కలెక్షన్లను సాధించింది. ప్రస్తుతం సుకుమార్ దర్శకత్వంలో పుష్ప సినిమాలో నటిస్తున్న అల్లు అర్జున్ ఈ సినిమా తరువాత కొరటాల శివ డైరెక్షన్ లో నటించబోతున్నారు. కొరటాల శివ సినిమాలో కాలుష్యానికి కారణమయ్యే ఫ్యాక్టరీల యజమానులకు చుక్కలు చూపించే యువకుడి పాత్రలో బన్నీ నటిస్తున్నట్టు తెలుస్తోంది. ఈ రెండు సినిమాల తరువాత బన్నీ గౌతమ్ తిన్ననూరి ప్రాజెక్ట్ పట్టాలెక్కనుందని సమాచారం.

ఎమోషనల్ డ్రామాగా ఈ సినిమా తెరకెక్కనుందని కమర్షియల్ అంశాలు పుష్కలంగా ఉండే విధంగా గౌతమ్ స్క్రిప్ట్ ను సిద్ధం చేశారని సమాచారం. పాన్ ఇండియా మూవీగా బన్నీ గౌతమ్ కాంబినేషన్ లో సినిమా తెరకెక్కనుందని సమాచారం. అయితే ఈ ప్రాజెక్ట్ గురించి అధికారక ప్రకటన వెలువడాల్సి ఉంది. నాని డైరెక్టర్ తో బన్నీ సినిమా ఉంటుందో లేదో తెలియాలంటే మాత్రం కొన్నిరోజులు ఆగాల్సిందే. వాస్తవానికి గౌతమ్ తిన్ననూరి చరణ్ తో సినిమా చేయాలని ఒక స్క్రిప్ట్ ను సిద్ధం చేశారు. చరణ్ శంకర్ ప్రాజెక్ట్ ఫైనలైజ్ కావడంతో గౌతమ్ ఆ కథతోనే బన్నీతో సినిమాను తెరకెక్కించనున్నారని ఇండస్ట్రీ వర్గాల్లో ప్రచారం జరుగుతోంది.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!