టాలీవుడ్‌లో తక్కువ కాలంలో ఎక్కువ సినిమాలు చేస్తున్న నిర్మాణ సంస్థలు అంటే గుర్తొచ్చే పేర్లలో పీపుల్‌ మీడియా ఫ్యాక్టరీ ఒకటి. వరుసగా పెద్ద సినిమాలు చేసుకుంటూ దూసుకుపోతున్న ఈ నిర్మాణ సంస్థ తన తర్వాతి సినిమా విషయంలో క్లారిటీ వచ్చేసింది అలాగే ఇచ్చేసిందా? టాలీవుడ్‌ వర్గాల లెక్కల ప్రకారం అయితే ఈ నిర్మాతల తర్వాతి సినిమా అల్లు అర్జున్‌తో అని. అదెలా చెబుతున్నారు అని అనుకుంటున్నారా? ఆ నిర్మాణ సంస్థ లెక్కలు అలానే ఉంటాయి మరి అని అంటున్నారు.
ఐకాన్ స్టార్ అల్లు అర్జున్‌తో త్వరలో సినిమా నిర్మించేందుకు పీపుల్‌ మీడియా ఫ్యాక్టరీ సన్నాహాలు చేస్తోందని సమాచారం. ‘ఓ బేబీ’, ‘గూఢచారి’, ‘వెంకీమామ’, ‘కార్తికేయ 2’, ‘ధమాకా’ అంటూ వరుసగా విజయవంతమైన సినిమాలు చేస్తూ వస్తున్న ఈ నిర్మాణ సంస్థ ఇప్పుడు పవన్ కల్యాణ్‌తో ‘వినోదాయ చిత్తాం’ రీమేక్‌ తీస్తున్నారు. ఇప్పుడు తర్వాతి సినిమాగా అల్లు అర్జున్ ప్రాజెక్ట్‌ ఉండొచ్చు అని చెబుతున్నారు. ఈ మేరకు ఏర్పాట్లు సాగుతున్నాయని కూడా చెబుతున్నారు.
ఇటివల అల్లు అర్జున్ (Allu Arjun) బర్త్ డే సందర్భంగా పీపుల్‌ మీడియా ఫ్యాక్టరీ స్పెషల్ సర్‌ప్రైజ్‌ ఇచ్చింది. ‘హ్యాపీ బర్త్ డే అల్లు అర్జున్’ అనే బ్యానర్‌ను అమెరికా గగన వీధుల్లో ఓ చిన్న విమానానికి ట్యాగ్ చేసి ఎగురవేసింది. అలా బన్నీకి ఘనమైన బర్త్ డే విషెష్ చెప్పింది పీపుల్‌ మీడియా ఫ్యాక్టరీ. దీంతో త్వరలోనే బన్నీతో భారీ చిత్రం నిర్మించే ఆలోచనలో ఉన్నట్టు ఇండస్ట్రీ వర్గాల సమాచారం. బన్నీతో సినిమా కన్ఫర్మ్ అయ్యింది కాబట్టే..
ఇలాంటి సర్‌ప్రైజ్‌ ఇచ్చారు అని అంటున్నారు. అయితే పీపుల్‌ మీడియా విశ్వప్రసాద్‌కు ఇండస్ట్రీలో చాలామంది పరిచయం. అందరితోనూ స్నేహంగానే ఉంటారు. ఈ క్రమంలో బన్నీకి ఇలా విషెష్ చెప్పారు అనే చర్చ కూడా ఉంది. అయితే ‘పుష్ప 2’ అయ్యాక బన్నీ — సందీప్‌ రెడ్డి వంగా సినిమా ఉంటుంది అంటున్నారు. ఆ సినిమా నిర్మాణంలో ఏమైనా పీపుల్‌ మీడియా భాగస్వామి అవుతుందేమో చూడాలి.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
Home