వేగంగా సాగుతున్న నా పేరు సూర్య షూటింగ్

సరైనోడు వంటి బ్లాక్ బస్టర్ హిట్ తర్వాత అల్లు అర్జున్ చేసిన సినిమా దువ్వాడ జగన్నాథం మిశ్రమ స్పందన అందుకుంది. అందుకే ఈ సారి సరైన హిట్ కొట్టాలని బన్నీ డిసైడ్ అయ్యారు. వక్కంతం వంశీ దర్శకత్వంలో చేస్తున్న నాపేరు సూర్య నా ఇల్లు ఇండియా షూటింగ్ కోసం శ్రమిస్తున్నారు. ప్రస్తుతం ఈ సినిమా షెడ్యూల్ ఊటీలో సాగుతోంది. కొన్ని మిలిటరీ సన్నివేశాలను తెరకెక్కిస్తున్నారు. ఇందులో అల్లు అర్జున్ సోల్జెర్ గా కనిపించబోతున్నారు. ఎక్కువరోజులు చిత్రీకరణ జరుగుతుండడంతో బన్నీ ఫ్యామిలీని మిస్సయ్యారు.

దీంతో షూటింగ్ కి గ్యాప్ ఇవ్వకూడదని పిల్లలను తీసుకొని స్నేహ ఊటీకి వెళ్లారు. షూటింగ్ గ్యాప్ లో అల్లు అర్జున్ పిల్లల్తో సరదాగా గడుపుతున్నారు. అను ఇమాన్యుయేల్ హీరోయిన్ గా నటిస్తున్న ఈ చిత్రంలో తమిళ హీరో శరత్ కుమార్ కీలకరోల్ పోషిస్తున్నారు. లగడపాటి శ్రీధర్ నిర్మిస్తున్న ఈ మూవీ ఏప్రిల్ 27న రిలీజ్ కానుంది. బాలీవుడ్ మ్యూజిక్ డైరక్టర్స్ విశాల్ – శేఖర్ అందించిన పాటలు వినేందుకు మ్యూజిక్ లవర్స్, బన్నీ ఫ్యాన్స్ ఎదురు చూస్తున్నారు.