బన్నీ ‘పుష్ప’ కథ అలాగే ఉండబోతుందా…!

పెద్ద సినిమాల్లో… అదీ స్టార్ హీరోల సినిమాల్లో… హీరో, హీరోయిన్లు … ఓపెనింగ్ సీన్ నుండీ భార్యా భర్తలుగా కనిపించిన చరిత్ర ఇప్పటి వరకూ లేదు. చిన్న సినిమాల్లోనూ… అప్పటి పాత సినిమాల్లోనూ ఈ సంస్కృతి చూసాం. అయితే ఇప్పుడు అల్లు అర్జున్ సుకుమార్ కాంబినేషన్ లో తెరకెక్కుతోన్న ‘పుష్ప’ సినిమాలో … ఓపెనింగ్ నుండీ ఎండింగ్ వరకూ హీరో అల్లు అర్జున్ హీరోయిన్ రష్మిక లను భార్యా భర్తలు గానే చూపించబోతున్నాడట దర్శకుడు సుకుమార్.

ముందునుండీ ఈ చిత్రం కథ.. ఎర్ర చందనం స్మగ్లింగ్ నేపధ్యంలో సాగుతుంది అని టాక్ వినిపిస్తుంది. అయితే అది ఒక లైన్ మాత్రమే నట. ఇందులో మనసుకి హత్తుకునే భార్యా భర్తల ఎమోషన్ ఉంటుందట. సుకుమార్ ఎంత కన్ఫ్యూజింగ్ సినిమాలు తీసినా… ‘జగడం’ వంటి చిత్రంలో మంచి ఎమోషనల్ సీన్స్ ఉంటాయి. ఇక ‘వన్ నేనొక్కడినే’ సినిమాలో తండ్రి సెంటిమెంట్ బలంగా ఉంటుంది. ‘ఆర్య 2’ వంటి సినిమాలో కూడా ఫ్యామిలీ ఎలెమెంట్స్ ఉంటాయి.

ఇక ‘100% లవ్’, ‘నాన్నకు ప్రేమతో’ ‘రంగస్థలం’ వంటి చిత్రాలలో సుక్కూ స్టైల్ ఆఫ్ ఫ్యామిలీ ఎమోషన్స్ ఉంటాయి. ఇప్పుడు ‘పుష్ప’ లో కూడా అదే విధంగా ఎమోషన్ ను జోడిస్తున్నట్టు తెలుస్తుంది. ఇక పాన్ ఇండియా చిత్రంగా రూపొందుతున్న ‘పుష్ప’ చిత్రానికి దేవి శ్రీ ప్రసాద్ సంగీత దర్శకుడు. ఇటీవల విడుదల అయిన ఫస్ట్ లుక్ కు మంచి స్పందన లభించిన సంగతి తెలిసిందే.

Most Recommended Video

అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!