టాలీవుడ్‌లో వెర్సటైల్‌ యువ నటులు చాలా తక్కువమందే ఉన్నారని చెప్పాలి. ‘నేను హీరోను, హీర పాత్రలు మాత్రమే వేస్తాను’ అని గిరి గీసుకుని ఉంటారు కొంతమంది.. వాళ్ల నటన ఎంత వెర్సటైల్‌గా ఉన్నా అలా అనలేం. ఇప్పుడు దీని గురించి ఎందుకు అంటే అలాంటి ఓ వెర్సటైల్‌ నటనను, సినిమాల ఎంపికను చూపించే ఓ నటుడి గురించి ఆసక్తికర విషయం ఒకటి తెలిసింది. ఆ విషయం మీరూ వింటే అవాక్కవుతారు పక్కాగా.
ఏంటీ యూట్యూబ్‌ టైటిల్ పెట్టాం అనుకుంటున్నారా? వార్త చదువుదురు మీకే తెలుస్తుంది. నవీన్‌ చంద్ర తెలుసు కదా ప్రస్తుతం ‘మధు’సూధనరావు వేషంలో ఉన్నాడు. ‘మంత్‌ ఆఫ్‌ మధు’ పేరుతో చేసిన ఓ సినిమాను రిలీజ్‌ చేస్తుండటతో ఆ ప్రచారం పనుల్లో బిజీగా ఉన్నాడు. అయితే ఆ సినిమా గురించి చెబుతూ చెబుతూ తన కెరీర్‌ గురించి మాట్లాడాడు. తాను ఎన్ని సినిమాలు చేస్తున్నది, ఎన్ని సినిమాలు విడుదలకు సిద్ధంగా ఉన్నది లాంటి విషయాలు చెప్పుకొచ్చాడు.
ఆ మాటలు విన్నవాళ్లు ‘అవునా అన్ని సినిమాలు లైన్‌లో ఉన్నాయా?’ అని అనుకుంటున్నారు. అంతకంటే ముందు ‘మంత్‌ ఆఫ్‌ మధు’ సంగతి చూద్దాం. కలర్స్‌ స్వాతి జంటగా నటించిన ఆ చిత్రాన్ని శ్రీకాంత్‌ నాగోతి తెరకెక్కించారు. అదృష్టం పరీక్షించుకోవడానికి ఈ నెల 6న సినిమా థియేటర్లలోకి వస్తోంది. సినిమా ప్రచారం విషయంలో అయితే టీమ్‌ భలే పట్టుదలతో చేస్తోంది. వరుస ప్రెస్‌ మీట్‌లు, ఇంటర్వ్యూలు ఇస్తూ బిజీగా ఉన్నారు టీమ్‌.
ఇక అసలు విషయానికొస్తే… (Naveen Chandra) నవీన్‌చంద్ర హీరోగా చేసిన ఆరు సినిమాలు విడుదలకు సిద్ధంగా ఉన్నాయట. అయితే అవేంటి అనేది తెలియడం లేదు. ఇక విలన్‌గా అయితే మూడు సినిమాలు చేస్తున్నాడట. అలాగే సహాయ నటుడిగా ఐదు పిక్చర్లున్నాయి అని చెప్పాడు. అంటే 14 సినిమాలతో నవీన్‌ చంద్ర లైనప్‌ ఉంది. అందులో రామ్‌ చరణ్ – శంకర్‌ ‘గేమ్‌ ఛేంజర్‌’ ఒకటి. మిగిలిన సంగతి చూడాలి.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
Home