మెగాస్టార్ 151వ చిత్రమైన “సైరా నరసింహా రెడ్డి” ఎనౌన్స్ మెంట్ నుండి రోజుకో వార్త హల్ చల్ చేసింది. ముఖ్యంగా సినిమా నుంచి సంగీత దర్శకుడు రెహమాన్, కెమెరామెన్ రవివర్మన్ లు తప్పుకోవడం వారి స్థానంలో ఎవరు వస్తారో క్లారిటీ లేకపోవడంతో “అసలు ఈ సినిమా సెట్స్ కు వెళ్తుందా లేదా?” అనే అనుమానం మెగా అభిమానులకు కూడా కలిగింది. కట్ చేస్తే.. సురేందర్ రెడ్డి తన కష్టాన్ని కూడగట్టి సినిమాని సెట్స్ మీదకు తీసుకొచ్చాడు. అందురూ తప్పుకొంది అనుకొన్న నయనతారను సైతం చిరంజీవి సరసన నటింపజేశాడు.
ఇక అందరికీ పెద్ద భయంలా తయారైన “చిరు సినిమాలో అమితాబ్ ఉన్నాడా?” అనే అనుమానాన్ని కూడా పటాపంచలు చేసేందుకు సిద్ధమవుతున్నాడు సురేందర్ రెడ్డి. ఇవాల్టి నుండి “సైరా నరసింహా రెడ్డి” షూటింగ్ లో పాల్గొననున్నాడట. అమితాబ్ సన్నివేశాల కోసం స్పెషల్ సెట్స్ వేయడం కూడా అయిపోయిందట. ఎట్టిపరిస్థితుల్లోనూ వచ్చే ఏడాది సినిమాని రిలీజ్ చేసేందుకు సురేందర్ రెడ్డి అండ్ టీం అనునిత్యం శ్రమిస్తోంది. ప్రస్తుతం “సైరా నరసింహా రెడ్డి”లో అమితాబ్ లుక్ సోషల్ మీడియాలో హల్ చల్ చేస్తోంది.
Home