విజయ్ దేవరకొండ ప్రస్తుతం పూరి జగన్నాధ్ దర్శకత్వంలో ఓ మూవీ చేస్తున్న సంగతి తెలిసిందే. చక చకా సినిమాలు చేయడంలో దిట్ట అయిన పూరి ఇప్పటికే రెండు షెడ్యూల్స్ పూర్తి చేశాడు. కాగా ఫైటింగ్ నేపథ్యంలో ఈ మూవీ తెరకెక్కుతుండగా హీరో విజయ్ దేవరకొండ ప్రొఫెషనల్ ఫైటర్ గా కనిపించనున్నాడు. ఈ చిత్రం కోసం విజయ్ విదేశాలలో ఫైటింగ్ పై కొద్ది శిక్షణ కూడా తీసుకున్నారు. ఐతే ఈ సినిమా టైటిల్ ఫైటర్ అని చాలా కాలంగా ప్రచారంలో ఉండగా, అందులో నిజం లేదని ఛార్మి ఓ కార్యక్రమంలో చెప్పుకొచ్చారు.
ఈ మూవీ నిర్మాత అయిన ఛార్మి తాజా ఇంటర్వ్యూలో విజయ్ దేవరకొండ మూవీ గూర్చిన పలు ఆసక్తికర విషయాలు చెప్పుకొచ్చారు. ఫైటర్ కేవలం వర్కింగ్ టైటిల్ మాత్రమే… ఓ ఆసక్తికర టైటిల్ ఈ మూవీ కోసం రిజిస్టర్ చేసి ఉంచడం జరిగింది. త్వరలోనే టైటిల్ పై ప్రకటన ఉంటుంది అని ఆమె చెప్పుకొచ్చారు.పూరి సినిమాలకు టైటిల్స్ చాలా భిన్నంగా ఉంటాయి. మరి ఈ మూవీ కోసం ఆయన ఎలాంటి క్రేజీ టైటిల్ మైండ్ లో ఫిక్స్ చేసుకొని పెట్టుకున్నారో చూడాలి.
ఇక ఇప్పటికే 40శాతం షూటింగ్ పూర్తి అయినది అట. విజయ్ దేవరకొండ నటిస్తున్న ఫస్ట్ పాన్ ఇండియా మూవీ ఇదే కావడం గమనార్హం. పూరి కనెక్ట్స్ బ్యానర్ మరియు ధర్మ ప్రొడక్షన్స్ సంయుక్తంగా ఈ చిత్రాన్ని నిర్మిస్తున్నాయి. ఇక బాలీవుడ్ యంగ్ బ్యూటీ అనన్య పాండే హీరోయిన్ గా నటిస్తుండగా మణిశర్మ సంగీతం అందిస్తున్నారు.
Most Recommended Video
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!
