నాగచైతన్య, సాయిపల్లవి జంటగా నటించిన లవ్ స్టోరీ సినిమా తొలిరోజు ఏకంగా 8.50 కోట్ల రూపాయల షేర్ కలెక్షన్లను సాధించింది. ప్రపంచవ్యాప్తంగా లవ్ స్టోరీ సాధించిన కలెక్షన్లు చూసి దర్శకనిర్మాతలు తమ సినిమాలను త్వరగా రిలీజ్ చేయాలని భావిస్తున్నారు. అయితే టాలీవుడ్ ప్రేక్షకులు ఆర్ఆర్ఆర్ మూవీ రిలీజ్ కోసం ఆసక్తిగా ఎదురు చూస్తున్న సంగతి తెలిసిందే. ఎన్టీఆర్, చరణ్ కలిసి నటిస్తున్న ఆర్ఆర్ఆర్ రిలీజైతే కలెక్షన్లపరంగా రికార్డులు క్రియేట్ చేస్తుందని ఫ్యాన్స్ భావిస్తున్నారు.
ప్రపంచవ్యాప్తంగా సాధారణ పరిస్థితులు ఏర్పడిన తర్వాత సినిమాను రిలీజ్ చేస్తామని ఆర్ఆర్ఆర్ మేకర్స్ ప్రకటించగా ఆర్ఆర్ఆర్ ఎప్పుడు రిలీజవుతుందో చూడాల్సి ఉంది. ప్రస్తుతం ఆర్ఆర్ఆర్ రిలీజ్ కు పరిస్థితులు అనుకూలంగానే ఉన్నాయి. అక్టోబర్ 13వ తేదీన ఆర్ఆర్ఆర్ రిలీజై ఉంటే బాగుండేదని చరణ్, తారక్ ఫ్యాన్స్ భావిస్తున్నారు. రాజమౌళి సంక్రాంతికి ఆర్ఆర్ఆర్ ను రిలీజ్ చేయాలని గతంలో భావించినా ప్రస్తుతం ఆ నిర్ణయాన్ని మార్చుకున్నారని తెలుస్తోంది. కొత్త రిలీజ్ డేట్ ను ప్రకటించే వరకు రాజమౌళి ఆర్ఆర్ఆర్ ప్రచారాన్ని ఆపేయాలని భావిస్తున్నట్టు సమాచారం.
మరోవైపు రామ్ చరణ్ శంకర్ సినిమాతో, ఎన్టీఆర్ కొరటాల శివ సినిమాతో బిజీ కానున్నారు. సంక్రాంతికి ఇప్పటికే మూడు పెద్ద సినిమాలు ఫిక్స్ కావడంతో ఆర్ఆర్ఆర్ సమ్మర్ కు రిలీజయ్యే అవకాశాలు ఎక్కువగా కనిపిస్తున్నాయి. ఆర్ఆర్ఆర్ కొత్త రిలీజ్ డేట్ కు సంబంధించిన ప్రకటన కోసం అభిమానులు ఆసక్తిగా ఎదురుచూస్తుండటం గమనార్హం. దాదాపుగా 550 కోట్ల రూపాయల భారీ బడ్జెట్ తో ఈ సినిమా తెరకెక్కుతోంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home