మహేష్ బాబు (Mahesh)తన 29 వ సినిమాని రాజమౌళి (S. S. Rajamouli) దర్శకత్వంలో చేయబోతున్న సంగతి తెలిసిందే. ‘కథ లాక్ అయ్యింది’ అని రాజమౌళి చెప్పకనే చెప్పాడు.’ఆర్.ఆర్.ఆర్’ (RRR) తర్వాత రాజమౌళి చేస్తున్న సినిమా ఇది. కాబట్టి.. పాన్ వరల్డ్ మార్కెట్స్ ని టార్గెట్ చేస్తూ ఈ చిత్రాన్ని రూపొందించాలి అని రాజమౌళి భావిస్తున్నాడు.ఈ సినిమాలో నటించే నటీనటుల గురించి ఎటువంటి అధికారిక ప్రకటన రాలేదు. కానీ అమితాబ్ బచ్చన్(Amitabh Bachchan) , దుల్కర్ సల్మాన్ (Dulquer Salmaan) , హృతిక్ రోషన్ (Hrithik Roshan) వంటి వారు నటిస్తున్నట్లు వార్తలు వస్తున్నాయి.
వాస్తవానికి.. ఏప్రిల్ లేదా మే నెల నుండి ఈ సినిమా షూటింగ్ మొదలవుతుంది అని అంతా భావించారు. కానీ ఇంకా ఆలస్యం అవుతుంది అని అందరికీ క్లారిటీ వచ్చేసింది. అందుతున్న సమాచారం ప్రకారం.. జూన్ నెలలో ఈ సినిమా షూటింగ్ ప్రారంభమయ్యే అవకాశాలు ఉన్నాయి. షూటింగ్ మొదలయ్యే ముందు రాజమౌళి ఓ ప్రెస్ మీట్ ను ఏర్పాటు చేసి..
నటీనటుల వివరాలు, షూటింగ్ కి సంబంధించిన వివరాలు రివీల్ చేస్తారు అని సమాచారం. 2026 కి ఈ ప్రాజెక్టు ఫినిష్ చేసి రిలీజ్ చేయాలన్నది రాజమౌళి ప్లాన్. ‘శ్రీ దుర్గా ఆర్ట్స్’ బ్యానర్ పై కె.ఎల్.నారాయణ్ (K.L.Narayana) నిర్మిస్తున్న ఈ చిత్రాన్ని దాదాపు రూ.1000 కోట్ల భారీ బడ్జెట్ తో రూపొందిస్తున్నారట. మరోపక్క మహేష్ బాబు.. ఫ్యామిలీతో కలిసి విదేశాల్లో ఎంజాయ్ చేస్తున్నారు. కానీ అతని లుక్ కనబడకుండా ఫోటోలు పోస్ట్ చేస్తున్న సందర్భాలు మనం చూస్తూనే ఉన్నాం.
