రవితేజ హీరోగా రమేష్ వర్మ డైరెక్షన్ లో తెరకెక్కిన ఖిలాడీ మూవీ ట్రైలర్ కు ప్రేక్షకుల నుంచి పాజిటివ్ రెస్పాన్స్ వచ్చింది. క్లాస్, మాస్ అనే తేడాల్లేకుండా అన్ని వర్గాల ప్రేక్షకులను ఆకట్టుకునేలా ట్రైలర్ ఉంది. అనసూయ ఈ సినిమాలో హీరోయిన్ తల్లిగా రవితేజ అత్త పాత్రలో నటించారు. అయితే ఇలాంటి పాత్రకు అనసూయ ఒప్పుకోవడం వెనుక అసలు కారణాలను డైరెక్టర్ రమేష్ వర్మ చెప్పుకొచ్చారు. అనసూయ ఈ సినిమాలో డ్యూయల్ రోల్ పోషిస్తున్నారని వార్తలు రాగా ఆ వార్తలు కూడా నిజమేనని సమాచారం.
చంద్రకళ, చాందిని అనే పాత్రల్లో అనసూయ ఈ సినిమాలో కనిపించనున్నారు. రమేష్ వర్మ మాట్లాడుతూ డింపుల్ తల్లి పాత్రలో అనసూయ నటించారని మొదట హీరోయిన్ తల్లి పాత్ర అని చెబితే అనసూయ నేను తల్లి పాత్రలో నటించడం ఏమిటని వాట్ ఆర్ యూ టాకింగ్ అని ఆమె అన్నారని రమేష్ వర్మ తెలిపారు. ఆ తర్వాత అసలు తాను ఖిలాడీ కథ కూడా విననని ఆమె చెప్పారని రమేష్ వర్మ వెల్లడించారు.
ఆ తర్వాత కో డైరెక్టర్ సూచనల మేరకు కథ విని ఆమె నటించారని రమేష్ వర్మ చెప్పుకొచ్చారు. అనసూయ ఇంకో పాత్ర ఫ్లాష్ బ్యాక్ లో వస్తుందని అనసూయ సినిమాలో డిఫరెంట్ రోల్స్ చేసిందని గతంలో చేసిన పాత్రలతో పోలిస్తే ఈ పాత్ర భిన్నమైన పాత్ర అని రమేష్ వర్మ కామెంట్లు చేశారు. రవితేజ, అనసూయ మధ్య వచ్చే సీన్లు ప్రేక్షకులను ఆకట్టుకునేలా ఉన్నాయని రమేష్ వర్మ చెప్పుకొచ్చారు.
ఈ నెల 11వ తేదీన థియేటర్లలో ఈ సినిమా రిలీజ్ కానుంది. ఈ సినిమాపై భారీగా అంచనాలు నెలకొన్నాయి. రవితేజ క్రాక్ సక్సెస్ ను ఖిలాడీ సినిమాతో కొనసాగిస్తానని కాన్ఫిడెన్స్ తో ఉన్నారు. రమేష్ వర్మ రాక్షసుడు సినిమా తర్వాత తెరకెక్కించిన సినిమా ఇదే కావడం గమనార్హం.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
Home
