బుల్లితెర యాంకర్ అనసూయకు సంవత్సరం సంవత్సరానికి క్రేజ్ పెరుగుతుండగా వరుసగా సినిమాలలో ప్రయోగాత్మక పాత్రలలో నటిస్తూ ప్రేక్షకుల నుంచి అనసూయ ప్రశంసలు పొందుతున్నారు. రంగస్థలం సినిమాలోని రంగమ్మత్త పాత్ర ద్వారా నటిగా అనసూయ క్రేజ్ ను పెంచుకోగా పుష్ప సినిమాలోని దాక్షయాని పాత్ర నటిగా ఆమెను మరో మెట్టు పైకి ఎక్కిస్తుందని ప్రేక్షకులు భావిస్తున్నారు. తాజాగా అనసూయ తన తండ్రిని తలచుకుంటూ ఎమోషనల్ అయ్యారు. కొన్ని రోజుల క్రితం అనసూయ తండ్రి సుదర్శన్ రావు అనారోగ్య సమస్యల వల్ల మృతి చెందారు.
అనసూయ తన తండ్రి ఫోటోలను ఫేస్ బుక్ లో షేర్ చేయడంతో పాటు తండ్రితో ఉన్న అనుబంధాన్ని, తండ్రి జ్ఞాపకాలను గుర్తు చేసుకున్నారు. తన పనులతో ఎప్పుడూ తండ్రిని గర్వపడేలా చేశానని అనసూయ అన్నారు. మై మోస్ట్ హ్యాండమ్సెట్ పపాజీ.. నువ్వు ఈ జన్మను ఇచ్చినందుకు నా గ్రాటిట్యూడ్ ను ఏ విధంగా చెప్పాలో మాటలు సరిపోవడం లేదని అనసూయ చెప్పుకొచ్చారు. నాన్న మమ్మల్ని మాలా తీర్చిదిద్దాడని ఏం తినాలో ఎలా ఉండాలో
అనే పాఠాలను నేర్పించాడని అనసూయ పేర్కొన్నారు. నాన్నతో గడిపిన క్షణాలను, సమయాన్ని ఎప్పటికీ మరిచిపోలేనని ఆమె చెప్పుకొచ్చారు. అర్దరాత్రి సమయంలో నాన్న మాకు ఇచ్చిన సర్ప్రైజ్ కానుకలను మరిచిపోలేమని అనసూయ పేర్కొన్నారు. నాన్న కోపం, నాన్న పోసెసివ్ నెస్ అన్నీ గుర్తున్నాయని అనసూయ చెప్పుకొచ్చారు. నాన్న అంతులేని ప్రేమను చూశామని మాకు నచ్చిన విధంగా మేం బ్రతకటానికి నాన్న ఎన్నో పాఠాలను నేర్పాడని అనసూయ అన్నారు. మమ్మల్ని ధైర్యవంతురాలిలా నాన్న పెంచాడని అనసూయ పేర్కొన్నారు.
నాన్నను అందరూ టైగర్ దర్శన్ పెహల్వాన్ గా గుర్తుంచుకుంటారని అనసూయ చెప్పుకొచ్చారు. నాన్నపై ప్రేమతో అనసూయ చేసిన ఈ పోస్ట్ నెట్టింట వైరల్ అవుతోంది. పుష్ప సినిమాతో అనసూయ ఖాతాలో మరో సక్సెస్ చేరుతుందో లేదో చూడాల్సి ఉంది. అనసూయ లుక్ కొత్తగా ఉండటంతో ఈ సినిమా కోసం ఆమె ఫ్యాన్స్ ఆసక్తిగా ఎదురుచూస్తున్నారు.
Most Recommended Video
మహేష్ టు నవీన్… ఓవర్సీస్ లో 1 మిలియన్ కొట్టిన హీరోల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
అఘోరా గెటప్‌ టాలీవుడ్ హీరోలకు కలిసొచ్చిందా!
