మహేష్ పక్కన రష్మిక ఏంటి అన్నారు..? అనిల్ రావిపూడి

టాలీవుడ్ లో వరుస హిట్లతో దూసుకుపోతున్న దర్శకుడు అనీల్ రావిపూడి తాజాగా మహేష్ బాబుతో ‘సరిలేరు నీకెవ్వరు’ అనే సినిమా తీశాడు. ఇందులో హీరోయిన్ గా రష్మిక నటించింది. అయితే ఆమెని హీరోయిన్ గా అనౌన్స్ చేసిన సమయంలో చాలా మంది కామెంట్స్ చేశారు. మహేష్ లాంటి స్టార్ హీరో పక్కన రష్మిక సెట్ కాదనే కామెంట్స్ వినిపించాయి. తాజాగా ఈ విషయంపై దర్శకుడు అనిల్ రావిపూడి స్పందించాడు.

తన సినిమాకి పెద్ద హీరోయిన్ అవసరం లేదని.. పెద్ద హీరోయిన్ ని తీసుకొని ఉంటే అది మిస్టేక్ అయి ఉండేదని చెప్పారు. రష్మికని హీరోయిన్ గా అనుకున్నప్పుడు చాలా మంది తనకు వద్దని చెప్పిన విషయాన్ని అనిల్ వెల్లడించాడు. తన స్నేహితులు, ఇండస్ట్రీ వాళ్లు చాలా మంది మహేష్ పక్కన రష్మిక వద్దని చెప్పారని.. కానీ ట్రైలర్ చూసిన తరువాత రష్మికని ఎందుకు తీసుకున్నానో.. చాలా మందికి అర్ధమైందని అన్నారు. ఫిదా సినిమాలో సాయిపల్లవిని కాకుండా స్టార్ హీరోయిన్ ను తీసుకుంటే ఎలా ఉండేదో, తన సినిమాకు కూడా అలానే ఉండేదని స్పష్టంచేశాడు. రష్మిక మంచి ఆర్టిస్ట్ అని.. ఆమెని తీసుకొని మంచి పని చేశావని మహేష్ కూడా తనతో చెప్పినట్లు అనీల్ రావిపూడి వెల్లడించాడు.

దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!