బాలీవుడ్ తారల హాట్ ఫేవరేట్ హీరోగా విజయ్ మారిపోయాడు. ఆయన ఒక్క హిందీ చిత్రం చేసింది లేదు..అయినప్పటికీ ఆయనంటే మాకు ఇష్టం అని, చాలా చార్మింగ్ హీరో అని కొందరు బాలీవుడ్ భామలు చెప్పడం జరిగింది. ఈ మధ్య ఓ అవార్డుతో విజయ్ దేవరకొండను సత్కరించిన బాలీవుడ్..ఓ డిబేట్ లో టాలీవుడ్ రిప్రెజెంట్ గా ఆయన్ని పిలవడం గమనార్హం. జాన్వీ కపూర్, అలియా భట్, అనన్య పాండే వంటి హీరోయిన్స్ అనేక ఇంటర్వ్యూలలో విజయ్ దేవరకొండ మా ఫేవరేట్ హీరో అని చెప్పిన సంగతి తెలిసిందే.
కాగా ఈ లిస్టులో తాజాగా మరో బాలీవుడ్ బ్యూటీ వచ్చి చేరింది. టాలీవుడ్ హీరోల్లో తనకు విజయ్ దేవరకొండ అంటే చాలా ఇష్టమని.. తనతో కలిసి పని చేయాలని ఉందని రీసెంట్‌గా అమైరా దస్తూర్ తెలిపింది. మనసుకు నచ్చింది, రాజుగాడు వంటి సినిమాలలో నటించిన అమైరా దస్తూర్ తెలుగు ప్రేక్షకులకు పరిచయమే. ఈ బ్యూటీ రీసెంట్‌గా ఓ ఛానల్‌కు ఇచ్చిన ప్రత్యేక ఇంటర్వ్యూలో ‘తనకు విజయ్ అంటే చాలా ఇష్టమని.. ‘అర్జున్ రెడ్డి’ సినిమాలో ఆయన నటన చూసి మైమరిచిపోయానని చెప్పుకొచ్చింది.
అంతేకాక అవకాశం వస్తే ఖచ్చితంగా ఆయనతో కలిసి సినిమా నటిస్తా, కాకపోతే అది హిందీ సినిమా అయితే బాగుంటుందని తెలిపింది. పూరి జగన్నాధ్ మూవీతో దేవరకొండ బాలీవుడ్ ఎంట్రీ ఇస్తున్న సంగతి తెలిసిందే. ఆ మూవీ సక్సెస్ కొడితే విజయ్ వరుసగా హిందీ చిత్రాలు చేయడం ఖాయం. కాబట్టి అమైరా దస్తూర్ కోరిక తీరే అవకాశాలు ఎక్కువగానే ఉన్నాయి.
Most Recommended Video
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!
