ఎన్టీఆర్ ఈ తమిళ దర్శకుడికి అవకాశం ఇస్తాడా?

January 3, 2021 / 02:44 PM ISTByFilmy Focus

Join Us

ఎన్టీఆర్ ఈ తమిళ దర్శకుడికి అవకాశం ఇస్తాడా?

తమిళ దర్శకులు మన దగ్గరకు వచ్చిన సినిమాలు చేయడం అంటే ఇటీవల కాలంలో పెద్ద కష్టంగా మారింది. విక్రమ్‌ కుమార్‌, గౌతమ్‌ మేనన్‌ లాంటివాళ్లు తప్ప మిగిలిన వారెవరూ స్ట్రయిట్‌ తెలుగు సినిమాలు చేయడం లేదు. తాజాగా మోహన్‌రాజా ‘లూసిఫర్‌’ చేస్తున్నాడు. వీళ్లు పక్కనపెడితే మిగిలినవాళ్ల పేర్లు అయితే అప్పుడప్పుడు సినిమా ఓకే అయిపోయింది, కథ అయిపోయింది అంటూ పుకార్లు వస్తుంటాయి. అందులో ఎన్టీఆర్‌ పేరు తరచుగా వినిపిస్తుంటుంది. తాజాగా మరోసారి అలా ఎన్టీఆర్, తమిళ దర్శకుడి కాంబో న్యూస్‌ చక్కర్లు కొడుతోంది.

తెలుగు సినిమా సీన్లను, కాన్సెప్ట్‌లను తమిళంలోకి తీసుకెళ్లి బంపర్‌ హిట్లు కొడుతుంటాడు అట్లీ. అలాంటి అట్లీ – ఎన్టీఆర్‌ కాంబినేషన్లో ఓ సినిమా రూపొందుతుని చాలా రోజులు వార్తలు వినిపించాయి. దిల్‌ రాజు నిర్మాణంలో సినిమా ఉంటుందంటూ నిర్మాత పేరును కూడా చేర్చారు. ‘అదిరింది’ సమయంలో అయితే ఎక్కువగా వినిపించాయి. ఆ తర్వాత పెద్దగా వినిపించింది లేదు. ఇప్పుడు లోకేశ్‌ కనకరాజ్‌ పేరు వినిపిస్తోంది. విజయ్‌తో ‘మాస్టర్‌’ తెరకెక్కించిన లోకేశ్‌తో ఎన్టీఆర్‌ సినిమా చేస్తాడని వార్తలొస్తున్నాయి. అయితే రెండు వర్గాల నుంచి ఎలాంటి సమాచారం లేదు.

ఎన్టీఆర్‌ ప్రస్తుత డైరీ చూస్తే ఇంత త్వరగా కొత్త సినిమా అంగీకరించే పరిస్థితి లేదు. ‘ఆర్‌ఆర్‌ఆర్‌’ ఎప్పటికి పూర్తవుతుంది, విడుదలవుతుంది అనే విషయంలో స్పష్టత లేదు. ఆ తర్వాత వెంటనే త్రివిక్రమ్‌ సినిమా చేయాలి. ఈ లెక్కన ఎన్టీఆర్‌తో సినిమా అంటే కనీసం సంవత్సరం తర్వాతే. కాబట్టి ఇప్పటికిప్పుడు ఎన్టీఆర్ కొత్త సినిమా గురించి వచ్చే వార్తల్ని నమ్మక్కర్లేదు. ఒకవేళ కుదరింది అనుకోండి హ్యాపీనే కదా.