చిరంజీవి సినిమాల్లో మరో హీరో ఉండటం ఈ మధ్య ఎక్కువైంది. కథకు అవసరమై హీరోలు రావడం వేరు కానీ.. ఎలాంటి అవసరం లేకుండా ఏదో ఉండాలని పెడుతున్న సినిమాలు కూడా ఉన్నాయి. వాటి సంగతి పక్కనపెడితే.. అవసరం ఉండి.. ఇప్పుడు ఓ సినిమా కోసం యువ హీరోను చూస్తున్నారు. అదే ‘భోళా శంకర్’. తమిళంలో మంచి విజయం అందుకున్న ‘వేదాళం’ సినిమాను తెలుగులో చిరంజీవి రీమేక్ చేస్తున్న విషయం తెలిసిందే. ఈ సినిమాలో ఓ యువ హీరో పాత్ర ఉంది. దాని కోసం ఇప్పుడు ఓ కొత్త పేరు వినిపిస్తోంది.
‘భోళా శంకర్’ సినిమా అన్నాచెల్లెళ్ల సెంటిమెంట్ నేపథ్యంలో సాగుతుంది అనే విషయం తెలిసిందే. ఈ సినిమాలో చిరు సోదరిగా కీర్తి సురేశ్ నటిస్తోంది. ఆమెకు లవర్ / భర్త పాత్ర ఒకటి సినిమాలో ఉంది. దీని కోసం గత కొన్ని రోజులుగా యువ హీరో కోసం చూస్తున్నారు. ఈ మేరకు కొన్ని పేర్లు కూడా వినిపించాయి. అందులో నితిన్ పేరును దాదాపు ఫైనల్ చేసేశారు అని కూడా చెప్పారు. అయితే ఇప్పుడు ఆ ప్లేస్లో మరో హీరో వచ్చాడు.
‘కాళిదాసు’, ‘కరెంట్’ తదితర చిత్రాలతో ఆకట్టుకున్న సుశాంత్ ఇప్పుడు ముఖ్య పాత్రలవైపు వచ్చేశాడు. ‘అల వైకుంఠపురంలో…’ సినిమాలో ఇలానే ఓ కీలక పాత్ర చేశాడు. ఆ తర్వాత ఇప్పుడు రవితేజ ‘రావణాసుర’ సినిమాలలోనూ నటిస్తున్నాడు. ఈ సినిమాలో త్వరలో విడుదలవుతుంది. ఆ సినిమాలో సుశాంత్ది కథని మలుపు తిప్పే పాత్ర అంటున్నారు. అయితే అదేంటి అనేది తెలియాల్సి ఉంది. ఆ విషయం పక్కనపెడితే ఇప్పుడు సుశాంత్కి మెగా ఛాన్స్ దక్కింది అంటున్నారు.
‘భోళా శంకర్’ సినిమా షూటింగ్లో త్వరలో సుశాంత్ పాల్గొంటాడని చెబుతున్నారు. సెట్స్లో అడుగుపెట్టిన రోజు ఈ విషయమై క్లారిటీ వస్తుందని సమాచారం. అయితే కీర్తి భర్త పాత్రకు సినిమాలో వెయిట్ పెంచి కాస్త పేరున్న యువ హీరోను తీసుకుంటారని వార్తలొచ్చాయి. కానీ ఇప్పుడు అలాంటి మార్పులు ఏమీ లేవు అని చెబుతున్నారు. మొత్తానికి టాలీవుడ్లో మరో హీరో… క్యారెక్టర్ ఆర్టిస్టుగా సక్సెస్ఫుల్గా టర్న్ తీసుకుంటున్నాడు అని అంటున్నారు.
హీలీవుడ్లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
