మహేష్ తో కలిసి అనుష్క స్టెప్పులు

మహేష్ బాబుకి జోడీగా నటించడానికి మాత్రమే కాదు.. ఒక పాటలో నర్తించడానికైనా హీరోయిన్స్ ఉత్సాహం చూపిస్తారు. దూకుడులో పార్వతీ మెల్టన్ ప్రత్యేక గీతం చేసింది. అలాగే ఆగడులో శృతిహాసన్ స్పెషల్ సాంగ్ తో అదరగొట్టింది. ఇప్పుడు అనుష్క మహేష్ మూవీలో అందాలతో అలరించడానికి సిద్ధంగా ఉంది.  మహేష్ బాబు  స్పైడర్ మూవీ తర్వాత కొరటాల శివ దర్శకత్వంలో సినిమా చేస్తున్నారు. “భరత్ అను నేను” అనే టైటిల్ ఖరారు చేసిన ఈ మూవీలో మహేష్ ముఖ్యమంత్రిగా నటిస్తున్నారు. హైదరాబాద్ సిటీ శివార్లలో వేసిన అసెంబ్లీ సెట్ లో మహేష్ పై కీలక సన్నివేశాలను  తెరకెక్కించారు. ఈ షూటింగ్ లో బాలీవుడ్ బ్యూటీ కైరా అద్వానీ కూడా పాల్గొంది.

భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాకి  దేవిశ్రీ ప్రసాద్ సంగీతం అందిస్తున్నారు. మంచి ఐటెం సాంగ్ ని కూడా కంపోజ్ చేశారంట. అందులో స్టార్ హీరోయిన్ అయితే బాగుంటుందని భావించిన కొరటాల, అనుష్కను సంప్రదిస్తే.. అందుకు ఆమె ఓకే చెప్పినట్లు ఫిలింనగర్ వాసులు చెబుతున్నారు. ఈ విషయంపై అధికారిక ప్రకటన త్వరలో వెలువడనుంది. 2018 సంక్రాంతిని పురస్కరించుకొని జనవరి 11 న “భరత్ అను నేను” థియేటర్లోకి  తీసుకురానున్నారు. శ్రీమంతుడు కాంబినేషన్లో వస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.