నందమూరి బాలకృష్ణ, బి.గోపాల్ కాంబినేషన్ లో తెరకెక్కిన సమరసింహారెడ్డి, నరసింహ నాయుడు సినిమాలు ఘనవిజయం సాధించిన సంగతి తెలిసిందే. ఈ కాంబినేషన్ లో మరో సినిమా తెరకెక్కనుందని వార్తలు ప్రచారంలోకి వస్తుండగా ఒక ఇంటర్వ్యూలో బి.గోపాల్ మాట్లాడుతూ ఆసక్తికర విషయాలను వెల్లడించారు. త్వరలోనే బాలకృష్ణతో మరో సినిమాను తెరకెక్కిస్తానని బి.గోపాల్ చెప్పుకొచ్చారు. బాలకృష్ణతో తెరకెక్కించే సినిమాకు సంబంధించి సరైన కథ కోసం వెతుకుతున్నామని బి.గోపాల్ తెలిపారు. ఇప్పటికే తాను కొన్ని కథలను విన్నానని అయితే విన్న కథలలో ఏ కథను ఫైనల్ చేయలేదని బి.గోపాల్ చెప్పుకొచ్చారు.
అతి త్వరలో కథకు సంబంధించి తుది నిర్ణయం తీసుకుంటానని బి.గోపాల్ వెల్లడించారు. బి.గోపాల్ బాలకృష్ణతో తెరకెక్కించే సినిమా ఫ్యాక్షన్ బ్యాక్ డ్రాప్ లో రానుందని సమాచారం. గోపీచంద్ బి.గోపాల్ కాంబినేషన్ లో తెరకెక్కిన ఆరడుగుల బుల్లెట్ వేర్వేరు కారణాల వల్ల వాయిదా పడి రేపు విడుదలవుతున్న సంగతి తెలిసిందే. ఈ సినిమా ప్రమోషన్స్ లో భాగంగా బి.గోపాల్ ఈ విషయాలను వెల్లడించడం గమనార్హం. బాలకృష్ణ మాత్రం ప్రస్తుతం ఫామ్ లో ఉన్న దర్శకులకు మాత్రమే ఎక్కువగా ఛాన్స్ ఇస్తున్నారు.
బి.గోపాల్ కు బాలకృష్ణ ఛాన్స్ ఇస్తారో లేదో తెలియాలంటే మరికొన్ని రోజులు ఆగాల్సిందే. బాలయ్య బి.గోపాల్ కు గ్రీన్ సిగ్నల్ ఇచ్చినా ఆ సినిమా సెట్స్ పైకి రావడానికి చాలా సంవత్సరాల సమయం పట్టే అవకాశం ఉంది. బాలయ్య నటించిన అఖండ దీపావళి కానుకగా రిలీజ్ కానుండగా గోపీచంద్ మలినేని, అనిల్ రావిపూడి డైరెక్షన్ లో బాలయ్య తర్వాత సినిమాలు తెరకెక్కనున్నాయి.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home