భారత చలన చిత్ర చరిత్రలో బాహుబలి2 ఓ సంచలనం. రాజమౌళి దర్శకత్వంలో వచ్చిన ఆ సినిమా 1000కోట్ల వసూళ్లను తాకి చూపించింది. అన్ని భాషలలో కలిపి బాహుబలి2 1500కోట్లకు పైగా ప్రపంచ వ్యాప్తంగా వసూలు చేసింది. జపాన్, చైనా దేశాలలో కూడా స్థానిక భాషలలో కూడా విడుదలైన బాహుబలి2, ఆ వసూళ్లను కుడా కలుపుకుంటే మరింత పెరిగే అవకాశం కలదు. 2017లో నమోదైన ఈ రికార్డు చెరిపి వేసిన చిత్రం లేదు.
బాహుబలి2 తరహాలో దేశంలోని అనేక చిత్ర పరిశ్రమలలో భారీ చిత్రాలు తెరకెక్కినా.. బాహుబలి 2 చిత్ర వసూళ్ళలో సగం కూడా సాధించలేకపోయాయి. అంత పెద్ద రికార్డు బాహుబలి పేరిట నమోదయ్యింది. కానీ ఏ రికార్డు శాశ్వతం కాదు, కొంచెం సమయం తీసుకున్నా ప్రతి రికార్డు బద్దలు కావలసిందే. వంద ఏళ్ల చిత్ర కలిగిన చిత్ర పరిశ్రమలో ఏ ఒక్క రికార్డు శాశ్వతంగా నిలబడలేదు. ఐతే బాహుబలి రికార్డు చెరిగిపోయే పరిస్థితి లేదు అనేది తాజాగా వినిపిస్తున్న వాదన. దానికి కారణం ప్రస్తుత పరిస్థితులే. కరోనా వైరస్ కారణంగా థియేటర్స్ కి పునర్వై భవం వచ్చే సూచనలు అయితే లేవు.
ఈ వైరస్ పూర్తిగా సమసిపోయినా ప్రేక్షకులు థియేటర్స్ పై ఆసక్తి చూపకపోవచ్చు. కాబట్టి భవిష్యత్తులో థియేటర్స్ నుండి వందల కోట్ల వసూళ్లు వచ్చే పరిస్థితి ఉండకపోవచ్చని కొందరి అభిప్రాయం. ఆ లెక్కన బాహుబలి2 స్థాయి వసూళ్లు ఎంత గొప్ప సినిమాకైనా దక్కుతాయనే గ్యారంటీ లేదు. మరో వైపు డిజిటల్ ప్లాట్ ఫార్మ్స్ ప్రజల జీవితాలలోకి చొచ్చుకుపోతుండగా, థియేటర్స్ ఎప్పటిలా ప్రేక్షకుల మొదటి ఛాయిస్ గా ఉండవు. కావున బాహుబలి రికార్డు ఇక చెదరకపోవచ్చు.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
